БАЛАБАҚШАҒА АЙНАЛҒАН ПАРЛАМЕНТ

0
168

Посткеңестік кеңістіктегі елдің бірі – Армения Республикасы. Жері де, халқы да көп емес. Халқы – 3 млн адам болса, жер көлемі біздің ең кішкентай облысымыз Солтүстік Қазақстаннан 3,3 есе аз. Таяуда Кавказдағы осы бір шағын елдің билік басына кілең жастар келді.

Армения Республикасының Премьер-министрі Никол Пашинян 43 жаста. Мамандығы – журналист. 1992-1998 жылдары армян тіліндегі «Дпрутюн», «Айастан», «Лрагир», «Лрагир ор», «Молорак» газеттерінде тілші болды. 1998 жылы күнделікті жарық көретін «Орагир» газетінің негізін қалады. Дегенмен, 1999 жылы соттың шешімімен оппозициялық көзқарастағы бұл газет жабылды. Ал, оның бас редакторы 1 жылға сотталды. Бірақ, Халықаралық журналистер қоғамы қудалауға түскен редакторға араша түсіп, соттың шешімін жоққа шығарды.
1999 жылы 24 жастағы болашақ премьер «Айкакан жаманак» газетінің бас редакторы қызметіне тағайындалды. 2008 жылы Президенттік сайлауда бүлік шығарғаны үшін оның үстінен қылмыстық іс қозғалды. 1,4 жыл халықаралық іздеуде жүрді. 2009 жылы өз еркімен бас прокуратураға келіп, кінәсін толықтай мойындады. Содан қашқын журналист 2010 жылы 7 жылға бас бостандығынан айырылды. 2011 жылы амнистияға байла-нысты бостандыққа шықты.
2012 жылы Ұлттық Жиналыстың депутаты болып сайланды. 2013 жылы «Азаматтық келісім» қоғамдық-саяси қозғалысын құрды. 2017 жылы қайтадан халық қалаулысы атанып, «ЕЛК» парламенттік фракциясын басқарды. 2019 жылдың 14 қаңтарында Армения Республикасының Премьер-министрі қызметіне тағайындалды. Негізі бұл қызметтің міндетін былтырдан бері атқарып келеді.
Үкімет басшысы жас болғаннан кейін Үкіметтің құрамы да жастардан жасақталса керек. Мәселен, екі орынбасарының бірі – Тигран Авинян алдағы 28 ақпанда 30 жасқа толады. Екінші орынбасары – Мгер Григорян 46 жаста. Ал, Премьер-министр аппаратының тізгіні 30 жастағы Эдуард Агаджанянның қолында.
Арменияда 17 министрлік болса, соның 6-ын қырыққа толмағандар басқарып отыр. Айталық, Ауыл шаруашылығы министрі Гегам Геворгян 31 жаста, Аймақты басқару және дамыту министрі Сурен Папикян 32 жаста, Көлік, байланыс және ақпараттық технологиялар министрі Акоб Аршакян 33 жаста, Денсаулық сақтау министрі Арсен Торосян 36 жаста.
Өткен жылдың соңындағы Парламент (Ұлттық Жиналыс) сайлауында қазіргі Премьер-министр Никол Пашинянның «Менің қадамым» блогы жеңді. Оған сайлаушылардың 70,4 пайызы дауыс берді. Бизнесмен Гаджик Царукиянның «Көркейген Армения» партиясы – 8,27 пайыз, батысшыл «Мәдениетті Армения» партиясы – 6,4 пайыз дауыс алды. Айтса айтқандай, Ұлттық Жиналыстағы 132 мандаттың 88-іне «Менің қадамым», 26-сына «Көркейген Армения», 18-іне «Мәдениетті Армения» иелік етті.
Күні кеше сол депутаттардың тізімі шықты. Сарапшылар Армения Парламентінің балабақшаға айналғанын жасырмай айтты. Өйткені, сол халық қалаулыларының 65 пайыздан астамын 40 жасқа дейінгілер (86), 24 пайыздан астамын келіншектер (32) құрады. Мұндай көрсеткіш посткеңестік кеңістікте ешқашан болған емес. Айталық, 132 депутаттың 25-і – 25-30 жастағылар, 61-і – 31-40 жастағылар, 26-сы – 41-50 жастағылар, 20-сы ғана 50 жастан асқандар екен.
Міне, Армения билігіне кілең жастар келді. Бәрінің де өмірбаяндарымен қысқаша танысып шықтық. Оның ішінде отызында орда бұзбағандар да, қырқында қамал алмағандар да бар. Басым бөлігінде тәжірибе жетіспейді. Еңбек баспалдақтарынан өтпегендері де көрініп тұр. Тісқаққан саясаткерлер аз. 10 журналист, 9 тарихшы, 9 мұғалім, 8 филологқа мандат бұйырыпты. Агрономдар мен инженерлер де аз емес. Журналист пен филологтардың көп болуын Никол Пашинянның өзі журналист болуымен түсіндірдік. Бір әттеген-айы – заңгерлер мен экономистер аз мандат иеленіпті. Дегенмен, заң шығарушы органда заңгерлердің көп отырғаны жарасымды болатын еді.

ТОБЫҚТАЙ ТҮЙІН

Экономикасы әлсіз, табиғи байлығы жоқ Арменияның 3 миллион халқы өз тұрмыстарының түзелетініне сенім артып, Никол Пашинян бастаған жастардың билік басына келуіне жол ашты. Ал, сол жастар ел үмітін ақтай ма? Жалындаған жастар ел күткен жаңашылдық пен оң өзгерістерді әкеле ме? Әрине, бұл енді болашақтың еншісіндегі шаруалар…

Жасұлан МӘУЛЕНҰЛЫ, «Qazaq» газеті

Армения Республикасы Ұлттық Жиналысының (Парламент) депутаттары

Аты-жөні Туған күні Жасы Мамандығы Бұған дейінгі қызметі
001 Каджик Геворгян 01.11.1993 25
002 Сона Казарян 30.03.1993 25 Филолог БАҚ сарапшысы
003 Айк Саргсян 09.08.1992 26
004 Сурен Григорян 24.06.1992 26
005 Арен Мкртчян 02.04.1992 26 Геолог Премьер-министрдің көмекшісі
006 Нора Арустамян 24.09.1991 27 Филолог Ұлттық жиналыс депутаты
007 Сипан Пашинян 28.04.1991 27
008 Тагуи Казарян 16.03.1991 27
009 Вагаршак Акобян 01.01.1991 28 Түркітанушы Диаспора министрінің көмекшісі
010 Саргис Ханданян 24.06.1990 28
011 Мхитар Айрапетян 15.05.1990 28 Шығыстанушы Диаспора министрі
012 Рубен Рубинян 08.03.1990 28 Саясаттанушы Сыртқы істер министрінің орынбасары
013 Седрак Тевонян 16.02.1990 28 Агроном Жүзім шаруашылығының

басшысы

014 Ани Самсонян 10.02.1990 28 Журналист Баспасөз қызметінің жетекшісі
015 Шаке Исаян 20.01.1990 29 Радиотехник Ұлттық жиналыс депутаты
016 Татевик Айрапетян 30.09.1989 29 Тарихшы Оқытушы
017 Сос Аветисян 21.06.1989 29 Филолог
018 Нарек Мкртчян 20.06.1989 29 Тарихшы Оқытушы
019 Сергей Мовсисян 23.09.1989 29 Радиофизик Жеке кәсіпкер
020 Ерджаник Акобян 19.12.1988 30 Заңгер Мемлекеттік кірістер комитетінің басшысы
021 Карен Симонян 03.10.1988 30 Саясаттанушы «Армаудиобукс» компаниясының директоры
022 Сисак Габриелян 19.09.1988 30 Журналист «Азаттық» радиосының тілшісі
023 Рипсиме Григорян 18.09.1988 30 Халықаралық қатынастар Туризм комитетінің төрайымы
024 Мери Галстян 19.07.1988 30
025 Мария Карапетян 20.02.1988 30
026 Артем Царукян 28.05.1987 31
027 Арсен Джулфалакян 08.05.1987 31 Спортшы Грек-рим күресінен әлем чемпионы
028 Айк Конджорян 30.05.1987 31 Тарихшы Ұлттық жиналыс депутаты
029 Геворг Папоян 11.02.1987 31 Экономист Оқытушы
030 Тарон Симонян 22.01.1987 31
031 Анна Костанян 17.01.1987 32 Шет тілінің оқытушысы Қоғаммен байланыс маманы
032 Аргишти Мехакян 22.08.1986 32
033 Карен Саруханян 20.08.1986 32 Биолог Ұлттық жиналыс депутаты
034 Арман Бошян 09.08.1986 32 Бухгалтер Әлеуметтік қамсыздандыру қызметінің басшысы
035 Сергей Атомян 06.07.1986 32
036 Рустам Бакоян 06.02.1986 32 Радиофизик Жеке кәсіпкер
037 Геворг Горгисян 23.01.1986 32 Программист Ұлттық жиналыс депутаты
038 Матевос Асатрян 02.12.1985 33
039 Арташес Петросян 23.05.1985 33
040 Арпине Давоян 28.08.1985 33 Педагог-психолог Премьер-министрдің көмекшісі
041 Ваге Оганнисян 19.11.1984 32
042 Амазасп Даниелян 15.11.1984 32 Педагог Оқытушы
043 Арман Егоян 28.06.1984 32 Заңгер Премьер-министрдің баспасөз хатшысы
044 Акоб Симидян 20.04.1984 32
045 Давид Манукян 29.02.1984 32 Саясаттанушы Ұлттық жиналыс депутаты
046 Армен Памбухчян 26.11.1984 32 Құқықтанушы Көлік, байланыс және ақпараттық технологиялар министрінің орынбасары
047 Тигран Улиханян 18.12.1983 35
048 Саргис Алексанян 30.11.1983 35
049 Лилит Макунц 07.11.1983 35 Филолог Мәдениет министрі
050 Назели Багдасарян 08.08.1983 35 Журналист «Radio Hay Gyumri» радиосының директоры
051 Алексей Сандиков 23.07.1983 35
052 Татевик Гаспарян 10.05.1983 35
053 Эдгар Аракелян 17.04.1983 35
054 Лена Назарян 09.03.1983 35 Журналист Ұлттық жиналыс депутаты
055 Егише Согомонян 08.02.1983 35
056 Арусяк Джулакян 21.01.1983 36
057 Карен Амбарцумян 16.11.1982 36 Инженер
058 Кристине Погосян 27.09.1982 36
059 Тагуи Товмасян 14.08.1982 36 Журналист Бас редактор
060 Джанибек Айрапетян 19.06.1982 36 Инженер Ұлттық жиналыс депутаты
061 Ивета Тоноян 22.11.1981 37 Журналист Ұлттық жиналыс депутаты
062 Виктор Енгибарян 11.07.1981 37 Әлеуметтанушы Армения еуропалық қозғалысының президенті
063 София Овсепян 20.04.1981 37 Педагог «Поддержи на фронте» қорының төрайымы
064 Лилит Степанян 24.03.1981 37
065 Тигран Карапетян 10.02.1981 37 Экономист «Горисский Гамма» компаниясының бас директоры
066 Эдмон Марукян 13.01.1981 38 Заңгер Ұлттық жиналыс депутаты
067 Ваагн Григорян 19.09.1980 38 Дәрігер Ұлттық жиналыс депутаты
068 Цовинар Варданян 08.09.1980 38
069 Бабкен Тунян 06.09.1980 38
070 Сарик Минасян 16.08.1980 38 Саясаттанушы Әлеуметтік қамсыздандыру қызметінің басшысы
071 Грачья Акобян 15.07.1980 38 Актер Ұлттық жиналыс депутаты
072 Микаел Золян 19.06.1980 38 Тарихшы Оқытушы
073 Армен Егиазарян 01.06.1980 38 Экономист Жас экономистер бірлестігінің төрағасы
074 Оганес Оганисян 05.03.1980 38
075 Лусине Бадалян 02.02.1980 38 Журналист Радиожүргізуші
076 Ален Симонян 05.01.1980 39 Заңгер Ұлттық жиналыс депутаты
077

 

Арарат Мирзоян 23.11.1979 39 Тарихшы Премьер-министрдің бірінші орынбасары
078 Гаяне Абраамян 02.07.1979 39
079 Владимир Варданян 26.08.1979 39 Заңгер Халықаралық келісім-шарттар бөлімінің басшысы
080 Тигран Уриханян 27.08.1979 39 Заңгер «Альянс» партиясының төрағасы
081 Нарек Зейналян 18.04.1979 39
082 Ваге Энфиаджян 24.12.1978 40 Экономист Ұлттық жиналыс депутаты
083 Арам Хачатрян 06.07.1978 40 Әскери қызметкер Губернатор орынбасары
084 Ваагн Тевосян 22.03.1978 40
085 Мане Тандилян 03.04.1978 40 Тарихшы Еңбек және әлеуметтік мәселелер министрі
086 Артак Манукян 15.02.1978 40
087 Гурген Багдасарян 13.08.1977 41 Экономист «Pres-Stend» компаниясы директорының орынбасары
088 Корюн Мкртчян 07.03.1977 41 Экономист Ғалым
089 Анна Карапетян 17.01.1977 42
090 Гор Геворкян 20.04.1976 42 Тарихшы Оқытушы
091 Арман Бабаджанян 15.01.1976 43 Журналист Медиа-орталық директоры
092 Николай Багдасарян 04.10.1975 43 Адвокат Премьер-министрдің кеңесшісі
093 Арутюн Бабаян 18.12.1975 43 Мал дәрігері «Ви ЭлчЭлч» компаниясының басшысы
094 Ваге Галумян 21.07.1975 43 Экономист Тавуш облысының әкімі
095 Артур Давтян 08.06.1975 43 Заңгер Бас прокурор
096 Аркади Хачатрян 29.01.1975 43 Экономист Президент кеңесшісі
097 Александр Аветисян 09.10.1974 44
098 Србуи Григорян 29.12.1974 44 Филолог Сисиан әйелдер орталығының басшысы
099 Ваагн Овакимян 30.06.1974 44
100 Вараздат Карапетян 11.04.1974 44 Экономист Премьер-министр кеңесшісі
101 Армен Хачатрян 04.12.1973 45
102 Арман Абовян 09.09.1973 45 Дәрігер Ұлттық жиналыс депутаты
103 Карине Погосян 27.05.1973 45 Мұғалім Ұлттық жиналыс депутаты
104 Эдвард Андреасян 21.04.1973 45 Сәулетші Қаланы дамыту басқармасының бас маманы
105 Геворг Петросян 04.09.1972 45 Адвокат Ұлттық жиналыс депутаты
106 Эдуард Бабаян 09.08.1972 46 Дзюдо жаттықтырушысы Олимпиада комитеті президентінің кеңесшісі
107 Ширак Торосян 16.04.1972 46 Тарихшы Ұлттық жиналыс депутаты
108 Артур Даллакян 10.04.1972 46
109 Эрикназ Тигранян 25.02.1972 46
110 Грант Айвазян 14.09.1969 49
111 Артур Григорян 20.09.1969 49 Заңгер Табиғи ресурстар министрі
112 Ануш Беглоян 31.07.1969 49 Коммуникация және маркетинг маманы «Лампа» коммуникация агенттігінің басшысы
113 Айк Геворгян 25.11.1967 51 Журналист «Айкакан жаманак» газетінің шолушысы
114 Наира Зограбян 08.05.1965 53 Журналист Ұлттық жиналыс депутаты
115 Грант Мадатян 24.05.1964 52 Агроном Ұлттық жиналыс депутаты
116 Сергей Багратян 03.01.1963 56 Инженер-геолог Ұлттық жиналыс депутаты
117 Арсен Михайлов 29.01.1963 56 Мал дәрігері Ұлттық жиналыс депутаты
118 Араик Агабабян 19.03.1962 56 Педагог Ұлттық жиналыс депутаты
119 Микаел Мелкумян 01.04.1962 56 Экономист Ұлттық жиналыс депутаты
120 Нарине Хачатурян 16.02.1962 59
121 Тигран Степанян 01.09.1961 57 Агроном Ұлттық жиналыс депутаты
122 Андраник Кочарян 03.05.1961 57 Инженер Қорғаныс министрінің орынбасары
123 Вардан Гукасян 20.01.1961 58 Мұғалім Ұлттық жиналыс депутаты
124 Оганес Игитян 14.04.1960 58 Инженер Ұлттық жиналыс депутаты
125 Согомон Согомонян 04.03.1960 58
126 Овик Агазарян 09.02.1960 58 Механик Ұлттық жиналыс депутаты
127 Рубик Степанян 03.01.1958 61 Заңгер Түрме бастығы
128 Сасун Микаелян 07.11.1957 61 Экономист Ұлттық жиналыс депутаты
129 Гагик Царукян 25.11.1956 62
130 Вардан Варданян 29.11.1955 63 Слесарь Қала құрылысы министрі
131 Вардеван Григорян 12.07.1953 65 Дене шынықтыру мұғалімі Ұлттық жиналыс депутаты
132 Князь Гасанов 17.01.1945 74 Бау-бақша шаруашылығының маманы Ұлттық жиналыс депутаты

 

Жауап қалдырыңыз

Please enter your comment!
Please enter your name here