«ҚАЗАҚСТАНДА КЛИМАТТЫҢ ӨЗГЕРУІ: ОСАЛДЫҒЫ ЖӘНЕ ТҰРАҚТЫЛЫҒЫ» ТАҚЫРЫБЫ ТАЛҚЫЛАНДЫ

0
372

Таяуда әл-Фараби атындағы кітапханада «Қазақстанда климаттың өзгеруі: осалдығы және тұрақтылығы» атты дөңгелек үстел өтті. Оның жұмысына Қазақстан Республикасындағы Францияның Төтенше және Өкілетті Елшісі Филипп Мартинэ және климаттың өзгеруі саласындағы мамандар («Қазгидромет» РМК, География институты, Ө.Сұлтанғазин атындағы Ғарыштық зерттеулер институты), метеорология және гидрология кафедрасының ғалымдары мен студенттері қатысты.

Университет ректоры, академик Ғалым Мұтанов алғашқы құттықтау сөзінде дөңгелек үстел тақырыбының өзектілігін атап өтіп, Жер беті атмосферасы температурасының апатты жоғарылауын болдырмау мақсатында халықаралық ұйымдарды қатыстырып отырған Франция Республикасына үлкен алғысын білдірді.
Қазақстан Республикасындағы Францияның Төтенше және Өкілетті Елшісі Филипп Мартинэ өзінің баяндамасында Францияның тартымдылығы, талқыланып жатқан тақырыптың маңыздылығы, сонымен қатар, климаттың өзгеру саласында студенттердің академиялық ұтқырлық аясында алмасу мүмкіндіктері жайлы айтты.
Дөңгелек үстел барысында мамандар Қазақстанда климаттың өзгеруінің заманауи тенденцияларын, қауіпті факторлар мен оларға қатысты тұрақтылықты жоғарылату шараларын талқылады.
Жиын қорытындысы бойынша ғылыми-зерттеу жұмыстарының сапасын көтеру үшін халықаралық ынтымақтастықты дамыту, идеялармен алмасу, бірлескен ғылыми жобаларға қатысу және әл-Фараби атындағы Қазақ ұлттық университеті негізінде «Қазақстан-Франция» ғылыми-техникалық орталығын құру ұсынылды.

әл-Фараби атындағы Қазақ ұлттық университетінің Баспасөз қызметі

Жауап қалдырыңыз

Please enter your comment!
Please enter your name here