АТАУЛЫ ӘЛЕУМЕТТІК КӨМЕК БЕРІЛЕ БАСТАДЫ

0
91

Кешеден, яғни 1 сәуірден бастап Қазақстанда атаулы әлеуметтік көмектің жаңа түрі тағайындала бастады. Бұдан былай отбасының айлық табысы бір адамға шаққанда 20 789 теңгеден аспаса, осы айдан бастап әрбір балаға дәл осы сомада жәрдемақы беріледі. Ал, ата-аналарға қосымша ақы төленеді. Ондай көмек тұрмысы төмен барлық отбасыларға жасалады. Бұл дегеніміз, жаңа жүйе бала санына қарамайды. Табыстың мөлшері жаңағы көрсеткіштен аспаса, 21 мың теңгенің жәрдемақысы бір баласы бар отбасыға да беріледі деген сөз.

Әр балаға 21 мың теңгеден берілетін жәрдемақыны алу үшін өтініштен басқа ешқандай құжаттар қажет емес. Оны жергілікті әкімдікке, халыққа қызмет көрсету орталығына немесе жұмыспен қамту орталығына тапсырып кетуге болады. Сол жерде жеке куәлікті көрсетіп, өтініште отбасының барлық мүшелерін жазып шығу қажет. Қалған жұмысты мемлекеттік қызметкерлер өздері атқарады. ҚР Еңбек және халықты әлеуметтік қорғау министрі Бердібек Сапарбаевтың айтуынша, мамандар өтініште көрсетілген барлық мәліметтерді электронды базамен салыстырады. Ал, қандай да бір құжат жетпей жатса, халықты ары-бері шапқылатпайды. Олар қажетті ақпаратқа өздері сұрау салып, тиісті мемлекеттік органдардан алдыртады. Сосын жәрдемақыны алу үшін тұрақты, я болмаса, уақытша тіркеу болуы шарт. Барлық құжаттарды алты айда бір рет жаңартып отырады.

Өтінішті 1 сәуірден бастап тапсыруға болады. Дегенмен, міндетті түрде сол күні барып, ұзақ уақыт кезекте тұрудың қажеті шамалы. Өтінішті айдың ортасында да беруге болады. Өйткені, бәрібір жәрдемақы 1 сәуірден есептеледі.

Сөйтіп, кешеден бастап аз қамтамасыз етілген азаматтарға атаулы әлеуметтік көмек көрсетудің жаңа форматы күшіне енді. Осыған байланысты ҚР Еңбек және халықты әлеуметтік қорғау министрлігімен «111 шұғыл қызмет» бірыңғай байланыс орталығы базасында атаулы әлеуметтік көмек алушылар үшін «шұғыл желі» ашылды. Яғни, енді «111» тегін нөмірі бойынша анықтамалық ақпаратты, мамандардың кеңестерін және атаулы әлеуметтік көмек тағайындауға, жеңілдіктер мен жәрдемақылардың өзге де түрлерін ұсынуға қатысты сұрақтарға жауаптарды алуға болады.

Сонымен қатар, қосымша анықтамалық ақпаратты өңірлік жұмыспен қамтуды үйлестіру және әлеуметтік бағдарламалар басқармаларында келесі нөмірлер бойынша алуға болады:

Қала, облыс Байланыс телефоны
01 Нұр-Сұлтан +7 (7172) 55-68-00
02 Алматы +7 (727) 261-67-24
03 Шымкент +7 (7252) 27-71-29
04 Ақмола облысы +7 (7162) 29-86-24
05 Ақтөбе облысы +7 (7132) 54-34-97
06 Алматы облысы +7 (7282) 32-96-69
07 Атырау облысы +7 (7122) 32-48-28
08 Шығыс Қазақстан облысы +7 (7232) 75-17-90
09 Жамбыл облысы +7 (7262) 45-55-60
10 Батыс Қазақстан облысы +7 (7112) 51-42-47
11 Қарағанды облысы +7 (7212) 43-20-94
12 Қостанай облысы +7 (7142) 50-16-11
13 Қызылорда облысы +7 (7242) 27-41-65
14 Маңғыстау облысы +7 (7292) 60-52-53
15 Павлодар облысы +7 (7182) 90-31-42
16 Солтүстік Қазақстан облысы +7 (7152) 46-73-51
17 Түркістан облысы +7 (72533) 5-95-54

 

Жауап қалдырыңыз

Please enter your comment!
Please enter your name here