«ДЕНСАУЛЫҚ» МЕДИЦИНАЛЫҚ ПОЙЫЗЫ ЖОЛҒА ШЫҚТЫ

0
33

29 сәуірде «Денсаулық» медициналық пойызы жолға шықты. Қазақстанның шалғай жатқан темір жол станцияларына аялдайтын пойыздың сапары 21 желтоқсанда аяқталады.

240 күн ішінде шойын жол бойында орналасқан ауылдардың тұрғындарына шамамен 230 млн теңгенің қызметі көрсетіледі. Дәстүрлі жобаны «Қазақстан темір жолы» ҰК» АҚ және «Samruk-Kazyna Trust» әлеуметтік жобаларды дамыту қоры жүзеге асырады.
«Денсаулық» пойызы Атырау, Маңғыстау, Қызылорда, Түркістан, Алматы, Батыс Қазақстан, Қарағанды, Солтүстік Қазақстан облыстары аумағындағы 195 станцияға аялдайды. Соңғы үлгідегі қондырғылармен жабдықталған пойыздарда көрсетілетін медициналық көмек тізімінде салалық мамандардың кеңесі (терапевт, педиатр, невропатолог, окулист, гинеколог, хирург, уролог, т.б.), түрлі зерттеулер мен диагностика түрлері (қан талдаулары, флюорография, т.б.), кішігірім хирургиялық операциялар мен стоматологиялық қызметтер бар.
«Денсаулық» пойызының қозғалыс кестесін Әлеуметтік медициналық сақтандыру қорының +7 (7172) 64-70-35 (Нұр-Сұлтан) телефон нөмірінен білуге болады.

Жауап қалдырыңыз

Please enter your comment!
Please enter your name here