ҚАЗАҚСТАНДА ЖОЛ ЖҮРУ ЕРЕЖЕСІНЕ ҚАНДАЙ ӨЗГЕРІСТЕР ЕНГІЗІЛЕДІ?

0
357

Қазір республикалық маңызы бар жолдарда белгіленген жылдамдық – 140 шақырым. Көлік жүргізушісі соны асыратын болса, әкімшілік құқық бұзушылық үшін жауапқа тартылады.

ІІМ Әкімшілік полициясының аға инспекторы Ақтоты Боранованың айтуынша, бүгінгі заңнамада орташа жылдамдықты асырғаны үшін айыппұл салудың анықтамасы жоқ. Бүгінде әкімшілік полиция комитеті ондай түсінікті заңға енгізуді ұсынып отыр. Себебі, көлік жүргізушілері республикалық маңызы бар жолдарда қатты жүреді. Соның салдарынан жол-көлік апаттары болып жатады.

«Қазіргі кезде қалаларда тіркеу жүйелері бар. Ал республикалық маңызы бар жолдарда ондай жүйелер аз. Оған қоса, көлік жүргізушілері ол аппараттардың тұрған жерін біледі. Оған жақындағанда жылдамдықты азайтады да, өтіп кеткеннен кейін қайтадан қатты жүреді», – деді Ақтоты Боранова.

Инспектор орташа жылдамдықтың қалай есептелетінін де түсіндірді. Оның сөзіне қарағанда, трассаның басында және аяқ жағында бейнекамералар болады. Бірінші камера көліктің жолға шыққанын тіркесе, екіншісі келген уақытын тіркейді. Сөйтіп, автоматты түрде трассамен жүрген орташа жылдамдығын есептеп шығарады. Көлік жүргізушісі тиісті жылдамдықты асырып жіберсе, оған айыппұл салынады.

Жауап қалдырыңыз

Please enter your comment!
Please enter your name here