Павлодарлық медициналық мекемелерге 169 оттегі концентраторы жеткізілді

0
137

«Nur Otan» бастауыш партиясы ұйымының төрағасы «Ertis Business Association» кәсіпкерлер қауымдастығымен бірлесіп, Павлодар облысының 16 медициналық мекемесіне 169 оттегі концентраторын табыс етті.

«Nur Otan» партиясы Павлодар облыстық филиалының Баспасөз қызметінің ақпаратынша, медициналық аппараттар «Шұғыла» республикалық қоғамдық қоры есебінен сатып алынды. Қорға бизнес өкілдерінен, меценаттардан, «Nur Otan» партиясы мүшелерінен, өнер жұлдыздарынан және Қазақстанның бейжай қарамайтын тұрғындарынан ақшалай қаражат түседі. Карантин кезінде қор 4000 оттегі концентраторын сатып алып, оның 240-ы Павлодар облысына жіберілді. 

– «Шұғыла» қоғамдық қоры мен өңір кәсіпкерлерінің қолдауымен біз кезекті медициналық мекемелерге көмек көрсете алдық. Бүгін бізге 169 оттегі концентраторы жеткізілді, олар күні бойы өңірдің барлық ауруханаларына таратылады. Бұған дейін 40 оттегі концентраторын қабылдап, денсаулық сақтау басқармасымен бірге облыстың 10 медициналық мекемесіне жеткіздік. Жақын арада үшінші партиясын қарсы аламыз, –деп атап өтті «SanTehPlast» бастауыш партия ұйымының төрағасы Бауыржан Бекмырзаев. 

Қор мен партиялықтардың бастамасын «Ertis Business Association» кәсіпкерлер қауымдастығының өкілдері қолдап, ақшалай қаражат түрінде көмек көрсетті және жүкті қабылдау мен бөлуге қатысты. 

Жауап қалдырыңыз

Please enter your comment!
Please enter your name here