Таразда екі күн ішінде 154 әкімшілік құқық бұзушылық анықталды

0
61

Тараз қаласында “Құқықтық тәртіп” жедел-алдын алу іс-шарасы өткізілген екі күн ішінде 154 әкімшілік құқық бұзушылық анықталды, – деп хабарлайды Polisia.kz.

2020 жылғы 13-19 қазан аралығында құқық бұзушылықтар мен қылмыстардың алдын алу, қоғамдық тәртіп пен жол қауіпсіздігін сақтауды қамтамасыз ету, сондай-ақ профилактикалық есепке алу шараларын сақтау мақсатында Тараз қаласының аумағында “Құқықтық тәртіп” жедел-профилактикалық іс-шарасы өткізілуде. 

Қоғамдық орында алкогольдік ішімдіктерді пайдаланғаны үшін 35 құқық бұзушы, кәмелетке толмағандардың заңды өкілдерінің еріп жүруінсіз түнгі уақытта тұрғынжайдан тыс болғаны үшін – 36, ұсақ бұзақылық жасағаны үшін 20 құқық бұзушы әкімшілік жауапкершілікке тартылды.

10  адам қоғамдық орындарда бөгде адамдарға тиіскені,  2 адам тыныштықты бұзғаны, 3 адам қоғамдық орындарда темекі шеккені,  3 адам санитарлық – эпидемиологиялық нормаларды бұзғаны, 3 адам алкоголь өнімдерін сату тәртібін бұзғаны үшін әкімшілік жауапкершілікке тартылды.

Көңіл көтеру орындарының 4 қожайыны кәмелетке толмаған жасөспірімдердің олардың мекемелерінде болуына жол бергені үшін жауапкершілікке тартылды. Ішкі істер органдарында профилактикалық есепте тұрған 157 адам тексерілді.

Жауап қалдырыңыз

Please enter your comment!
Please enter your name here