ҰҚШҰ: Сайлау өте жоғары деңгейде ұйымдастырылды

0
284

Бүгін, 11 қаңтарда Нұр-Сұлтан қаласындағы Hilton Garden Inn қонақүйінде өткен баспасөз мәслихатында РФ Мемлекеттік думасындағы ТМД, еуразиялық интеграция және отандастармен байланыс комитеті төрағасының орынбасары, халықаралық байқаушы Умахан Умаханов Ұжымдық қауіпсіздік туралы шарт ұйымының (ҰҚШҰ) байқаушылары Қазақстанда өткен сайлауды жоғары бағалайтынын мәлімдеді.

«Біз, ҰҚШҰ байқаушылар миссиясы Парламенттік ассамблея төрағасы Вячеслав Володиннің өкімімен Қазақстанда жүрміз. Бұл миссияға ҰҚШҰ елдерінің барлығы кіреді. Жексенбіде Нұр-Сұлтандағы 49 сайлау учаскесіне бардық және біз барған учаскелерде құқықбұзушылық болған жоқ. Сайлау өте жоғары деңгейде ұйымдастырылды. Пандемияға байланысты қорғаныс құралдары, бір реттік маскалар мен қолғаптар таратылды, барлық келушілер зарарсыздандырылды. Жәшіктер мөлдір шыныдан жасалды. Менің ойымша, байқаушы болған Парламент өкілдері Қазақстандағы сайлаудың ұйымдастырылу деңгейін көрді және өз елдерінде бұл тәжірибені қолданады», – деп санайды Умахан Магомедгаджиевич.

Байқаушының пікірінше, ҰҚШҰ байқаушылары Қазақстанның барлық өңірлерін аралап шыққан және бірде-бір заңбұзушылықты байқамаған.

Жауап қалдырыңыз

Please enter your comment!
Please enter your name here