Сарапшылар қоғамдық-саяси қатынастарды дамытудың жаңа бағытын талқылады

0
343

Кеше ҚР Президенті жанындағы Орталық коммуникациялар қызметінің алаңында сарапшылардың, саясаттанушылардың, әлеуметтанушылардың және үкіметтік емес ұйымдар басшыларының қатысуымен «Жаңа Қазақстан: қоғамдық-саяси қатынастарды дамытудың жаңа бағыты» тақырыбында сараптамалық кездесу өтті.

Сарапшылар жаңа Қазақстанды құру жағдайында қоғамдық келісім мен қоғамдық-саяси өзгерістердің тиімді форматын қалыптастыру мәселелерін талқылады.

Сараптамалық кездесу барысында ҚР Ақпарат және қоғамдық даму министрлігі Азаматтық қоғам істері комитетінің төрағасы Мадияр Қожахмет ұсыныстар мен ұсынымдарды қалыптастыру бойынша сараптамалық-талдамалық жұмыс тобы құрылғанын хабарлады. Жұмыс тобының басты міндеті қоғамдық қатынастарды жаңғыртуға бағытталған ұсыныстарды диалог алаңдарында талқылау болып табылады.

«Жалпы, бір ай ішінде қазақстандықтардан Президент атына түрлі сападағы және бағыттағы мыңдаған хаттар, ұсыныстар келіп түсті. Мұның бәрін салалық министрліктер жинап, қарайды. Қоғамға құнды, пайдалы және қажетті ұсыныстар бар. Біз оларды сараптамалық топ аясында қарастырып, нақты және нәтижелі ұсыныстарды одан әрі іске асыру мүмкіндіктерін әзірлейміз», – деді М.Қожахмет.

«Қазақстанның Азаматтық Альянсы» ЗТБ президенті Бану Нұрғазиеваның айтуынша, қаңтар қасыреті ескі және жаңа Қазақстан арасындағы суайрыққа айналды. Ең алдымен, азаматтар пикеттерде, митингілерде және т.б. емес, ашық сипаттағы пікірталастарда өз келіспеушіліктерін білдіре алатындай жағдай жасау керек. Бүгінгі таңда, тұтастай алғанда, Қазақстанда ортақ және біріктіруші – бұл әділеттілік пен әлеуметтік кепілдікке сұраныс басым.

«Үлкен энергия, эмоциялар, амбициялар мен үміттерді байқап отырмыз. Адамдардың сұранысы жоғары, олар өз пікірлеріне құлақ асқанын және қоғамға пайдасын тигізгісі келеді. Бұл орасан зор энергияны басқару және оны жасампаз арнаға бағыттау қажет», – деп атап өтті Б.Нұрғазиева.

Танымал экономист, «Талап» қолданбалы зерттеулер орталығының директоры Рахым Ошақбаев еліміздің әлеуметтік-экономикалық саласындағы негізгі проблемаларды атады.

«Экономикалық жағдайды бағалауға болатын негізгі индикаторлар – жұмыссыздық, инфляция, халықтың нақты табысы, экономикалық өсім. Бұл көрсеткіштердің барлығы бұрмалануда деп санаймын. Статистика бойынша жұмыссыздық 4-5%, инфляция –7,5-8%. Бұл шындыққа ешқандай қатысы жоқ фантастикалық сандар. Тағы бір үлкен мәселе – халықтың несие алуы. Қаржы реттеушісі 1,5 миллионға жуық адам коллекторларда есепте тұрғанын мойындады, ал іс жүзінде – соңғы 3 жылда атқарушылық өндірістің саны жылына 1 миллионнан асады. Біздің бағалауымыз бойынша, коллекторлар мен сот орындаушыларға шамамен 2-3 млн адам қарыз. Бұл 11 млн экономикалық белсенді халық. Кедейлік, табыс, жұмыспен қамту туралы айтқанда, біз халықтың едәуір бөлігі минуста екенін түсінуіміз керек. Яғни, олар бірнеше несие бойынша қарыз ауыртпалығын сезінеді», – деді Р.Ошақбаев.

Сараптамалық кездесу аясында «Рухани жаңғыру» қазақстандық қоғамдық даму институты» КЕАҚ Басқарма төрағасы Қазбек Майгелдинов қаңтардағы қайғылы оқиғалардың басты мәні – оның шегі екенін атап өтті. Яғни, мемлекеттік басқарудың саяси және басқа да қателіктері біз үшін сабақ болып қала береді. Енді осы сабақтарды ескере отырып, біз жаңа Қазақстанды құруға кірісуіміз керек.

 

Жауап қалдырыңыз

Please enter your comment!
Please enter your name here