Бүгін, 2 наурызда Қазақстан Президенті Қасым-Жомарт Тоқаев өзінің 246,9 мың оқырманы бар Twitter парақшасында (@TokayevKZ) Қазақстанның Біріккен Ұлттар Ұйымына мүше болуына 30 жыл толуына байланысты жазба қалдырды.
«Қазақстан осыдан 30 жыл бұрын Біріккен Ұлттар Ұйымына мүше болды. Біз БҰҰ-мен жаһандық қауіпсіздікті қамтамасыз ету және өркениетті қоғам құру мәселесіне байланысты ынтымақтастық орнаттық. Геосаяси ахуал ушыға түскен қазіргі кезде осы ұйымның әлеуеті мен рөлін арттыра түсу керек» деп жазды Қасым-Жомарт Тоқаев.
