Қорғаныс министрі «Шығыс» өңірлік қолбасшылығының бөлімшелерін тексерді

0
376

Қорғаныс ведомствосының басшысы генерал-лейтенант Руслан Жақсылықов Семей, Аягөз және Үшарал гарнизондарына жұмыс сапарымен барды. Министр Мемлекет басшысы Қасым-Жомарт Тоқаевтың армияның жауынгерлік қабілетін түбегейлі арттыру жөніндегі тапсырмаларының орындалуын тексерді.

«Шығыс» өңірлік қолбасшылығы әскерлерінің қолбасшысы генерал-майор Қуанышбек Үштаев «Батыл тойтарыс – 2022» стратегиялық оқу-жаттығуына бағынысты құрамалар мен әскери бөлімдердің жұмылдырылып, оқу-жауынгерлік тапсырмаларды орындау үшін еліміздің басқа өңірлеріне жіберілгені туралы баяндады.

Министр Қарулы күштердің Жоғарғы Бас қолбасшысы Қасым-Жомарт Тоқаевтың әскердің жауынгерлік қабілетін түбегейлі арттыру жөніндегі тапсырмаларының орындалу барысын тексерді

«Шығыс» өңірлік қолбасшылығы әскерлерінің қолбасшысы генерал-майор Қуанышбек Үштаев «Батыл тойтарыс – 2022» стратегиялық оқу-жаттығуында оқу-жауынгерлік тапсырмаларды орындау үшін еліміздің басқа өңірлеріне жіберілген барлық әскери бөлімдер мен құрамалар туралы баяндады.

Бүгінде «Жаңа Қазақстан» идеясы аясында Қарулы күштер жаңару мен жаңғырту іске асырылуда.

Қорғаныс министрі өңірлік қолбасшылықтың полигондары мен оқу алаңдарында өтіп жатқан әскерлерді бақылау тексерісінің барысымен танысты.

Әуе қорғанысы күштерінің әскери бөлімдерінде командирлер авиация мен әуе шабуылына қарсы қорғаныс құралдарының жауынгерлік кезекшілікті атқару тәртібі туралы баяндады.

«Қауіпсіз ел» ұлттық жобасы мен Мемлекет басшысының оқ-дәрілерді қауіпсіз сақтауды қамтамасыз ету жөніндегі тапсырмаларын іске асыруға ерекше назар аударылды. Қорғаныс ведомствосының комиссиясы әскери бөлімдердің инфрақұрылымын, әскери объектілер мен қоймалардың диверсияға және өртке қарсы қауіпсіздігін тексерді.

Бұдан басқа, генерал-лейтенант Руслан Жақсылықов Мемлекет басшысының Семей қаласындағы қорғаныс-өнеркәсіп кешенін қайта жүктеу жөніндегі тапсырмасы аясында Индустрия және инфрақұрылымдық даму министрлігінің «Қазақстан инжиниринг» акционерлік қоғамының кәсіпорындарына барды.

«Семей машина жасау зауыты» және «Семей инжиниринг» акционерлік қоғамдарының директорлары Қарулы күштер үшін әскери техниканы күрделі жөндеу және жаңғырту жұмыстарымен таныстырды. Отандық қорғаныс-өнеркәсіп кешені кәсіпорындарының басшылығымен ынтымақтастықты одан әрі дамытудың басым бағыттары талқыланды.

Жауап қалдырыңыз

Please enter your comment!
Please enter your name here