Дауыс беру 9 964 референдум учаскесінде өтіп жатыр

0
193

Барлық өңірдегі референдум учаскелерінде дауыс беру басталды. Дауыс беру 9 964 референдум учаскесінде өтіп жатыр. Бұл туралы Орталық референдум комиссиясының хатшысы Мұхтар Ерман айтты.

«Облыстық, Нұр-Сұлтан, Алматы, Шымкент қалалық референдум комиссияларының деректеріне сәйкес, астана уақытымен сағат 08.00-дегі жағдай бойынша, барлық өңірде 9 947 референдум учаскесінде дауыс беру басталды. Сондай-ақ, 15 шет мемлекеттегі Қазақстан Республикасының өкілдіктері жанындағы 17 учаскеде дауыс беру басталды. Шетелдегі 48 учаске уақыт айырмашылығына байланысты өздерінің жергілікті уақытымен дауыс беруге кірісті. Осылайша, қазіргі таңда дауыс беру 9 964 референдум учаскесінде өтіп жатыр», – деді Мұхтар Ерман.

Оның атап өтуінше, сағат 10-нан бастап Орталық референдум комиссиясының мүшелері әр екі сағат сайын брифинг өткізетін болады.

Жауап қалдырыңыз

Please enter your comment!
Please enter your name here