Докторанттар осы оқу жылынан бастап 195 мың теңге шәкіртақы алады

0
235

ҚР Ғылым және жоғары білім министрі Саясат Нұрбек жаңа оқу жылында шәкіртақы көлемі қандай болатынын айтты.

«Республикалық конкурстық комиссияның шешімі бойынша 56 375 грант тағайындалды. Бұдан басқа, жаңа оқу жылынан бастап бакалавриат деңгейінде стипендия 20%-ға өседі. Ал, магистратура және докторантура стипендиясы 15%-ға артады. Енді жыл сайын 15-20 пайыз өсіп тұрады. Мысалы, докторанттар осы оқу жылынан бастап 195 мың теңге шәкіртақы алады. Бұл норма шамамен 161 мың білім алушыға қатысты болады», – деді ведомство басшысы.

Министр Президент тапсырмасы бойынша батыс және халық тығыз қоныстанған өңірлердің жастары үшін 10 мың грант, «Серпін» жобасына 3 653 грант, шетел азаматтарына 490 грант бөлінгенін еске салды. Оның ішінде Орталық Азия елдерінің азаматтарына 150 грант, Ислам ынтымақтастығы ұйымдары елдерінің азаматтарына 100 орын қарастырылған.

Жауап қалдырыңыз

Please enter your comment!
Please enter your name here