«URKER-2022» ұлттық бәйгесінің үздіктері анықталды

0
200

28 қазан күні баспа, радио, интернет-журналистика саласындағы «URKER-2022» ұлттық бәйгесінің жеңімпаздары анықталды. Ашылу салтанатын ҚР Ақпарат және қоғамдық даму министрі Дархан Қыдырәлі Президент Қасым-Жомарт Тоқаевтың құттықтауымен бастады. Республика аумағында медиаконтент өндіретін және тарататын республикалық және өңірлік радиостанциялар, баспа және интернет-басылымдар бәйгеге қатысты. Осы жылы шорт-листке 52 номинант кірді.

Салтанатты рәсімде номинациялар бойынша журналистика саласындағы беделді сыйлық жеңімпаздарының есімдері аталды. Олар:

  • Жылдың үздік фотосуреті: Мейірбек Тажкуранов – Zakon.kz;
  • Жылдың үздік репортажы: Анар Қоныс – Aikyn.kz;
  • Әлеуметтік тақырыптағы үздік материалы: Наима Нұрәлі – Halyq-uni.kz;
  • Жылдың үздік аналитикалық материалы: Валентина Қозыбақова – «Маңғыстау» газеті;
  • Жылдың үздік журналистік зерттеуі: Қазбек Құттымұратұлы – «Egemen Qazaqstan» республикалық газеті;
  • Жылдың үздік сұхбаты: Ая Өміртай – Halyq-uni.kz;
  • Халықаралық тақырыптағы үздік материалы: Сауле Исабаева – Qmonitor.kz;
  • Радиостанциядағы үздік жоба: «Ой-түйін» – Qazaq radiosy;
  • Жылдың үздік жаңалықтар порталы: Zakon.kz;
  • Үздік өңірлік БАҚ: «Saryarqa samaly» газеті;
  • Батыр Қазыбаев атындағы арнайы премия: Әйгерім Бегімбет – Еrnur.kz;
  • Ахмет Байтұрсынов атындағы арнайы премия: «Қырғыз әдебиеті» жобасы – «Таң-Шолпан» журналы;
  • Шерхан Мұртаза атындағы арнайы премия: Қали Сәрсенбай – «Ана тілі» газеті.

Жеңімпаздарға «URKER» естелік мүсіншесі және 1 миллион теңге мөлшеріндегі ақшалай сыйлық табысталды.

Айта кетейік, байқау ұйымдастырушылары – ҚР Ақпарат және қоғамдық даму министрлігі және «Медиа дамыту қоры» корпоративтік қоры.

Жауап қалдырыңыз

Please enter your comment!
Please enter your name here