«Қайырымды істер марафоны»: Ақадыр кентінде 7 отбасыға тегін үй берілді

0
711

Қарағанды облысына қарасты Шет ауданының Ақадыр кентінде көпбалалы 7 отбасыға тегін үй берілді. Жалпыұлттық «Қайырымды істер марафоны» аясында «Astana Motors» компаниясы президенті, кәсіпкер Нұрлан Смағұлов қорының көмегін алған жанұялардың барлығы көпбалалы отбасылар.

«Astana Motors» компаниясы президенті, кәсіпкер Нұрлан Смағұлов қорының дәстүрлі түрде жылда осылай үй кезегінде тұрған көпбалалы отбасыларға қамқорлық игі жұмыстары биыл да жалғасын тапты. Аталған отбасылар әкімдіктің үй кезегінде тұрған жандар.

Игі іс-шара барысында 30 дан астам бүлдіршіннің жанарындағы қуанышты көру сәті бұйырды. Кенттегі үйдің орташа бағасы 5-8 миллион шамасы екенін ескерсек 7 үй тегін беріп үлкен көмек көрсеткен Нұрлан Смағұлов есімді ел ағасына алғысы шексіз.

— Бүгін көпшілікпен бірге мерекелік көңіл-күйде өздеріңізге 7 пәтердің кілтін тапсырғалы тұрмыз. Бұл айтулы оқиғаның ел Тәуелсіздігінің 30 жылдығы қарсаңында өтіп отырғаны үлкен қуаныш. Сіздерді көптен күткен баспанаға ие болуларыңызбен құттықтаймын! Отбасыларыңызға амандық, молшылық пен табыс тілеймін. Қоныс құтты болсын! — деді аудан әкімі Мұхит Мұқтаров салтанатты шарада.

Баспаналы болған отбасылар жомарт жандарға ізгі тілектерін білдіруде.

Жауап қалдырыңыз

Please enter your comment!
Please enter your name here