Елімізде былтыр 50 мыңға жуық ерлі-зайыпты ажырасты

0
342

Қазақстанда былтыр 50 мыңға жуық ерлі-зайыпты ажырасты. Ал, биылғы қаңтар-сәуір айларында республика бойынша 5 680 ажырасу дерегі тіркелсе, соның 4 639-ын қала тұрғындары құрады. Мұндай кісінің төбе шашы тік тұрарлықтай сұмдық статистиканы Ұлттық статистика бюросы жариялады.

Ұлттық статистика бюросының ресми мәліметінше, елімізде өткен жылы 48,2 мың ажырасу дерегі тіркелсе, соның 72,2%-ы қала тұрғындарының үлесіне тиесілі болған.

«Ажырасудың жоғары деңгейі елордада байқалды, 1 000 адамға шаққанда ажырасу коэффициенті – 3,54-ті құрады, ең төменгі көрсеткіш – Түркістан облысында, онда 1 000 адамға 1,20 жағдайдан келіп отыр. Ажырасудың басым бөлігі ортақ баласы жоқ ерлі-зайыптылар арасында болады. Бұл көрсеткіш – 60,5%, ортақ бір баласы барлар арасындағы ажырасу үлесі – 20,8%, кәмелетке толмаған екі және одан көп баласы барлар арасындағы көрсеткіш – 18,7%», – делінген Ұлттық статистика бюросының ресми мәліметінде.

Сонымен қатар, жалпы ажырасудың басым бөлігі, яғни 34,1%-ы отасқанына 10 жылдан асқан отбасылар екен.

Жауап қалдырыңыз

Please enter your comment!
Please enter your name here