Министрліктің ақпараттық-түсіндіру тобы Жаңаөзенге барды

0
169

Маңғыстау облысында қорғаныс ведомствосының өкілдері Жаңаөзен қаласының әскерге шақыру жасына дейінгі және әскер жасындағы жастарымен ақпараттық-түсіндіру жұмыстарын жүргізді. Іс-шаралардың негізгі бағыттары Президент жолдауы мен күзгі әскерге шақыру науқанына қатысты болды.

Жаңаөзен қаласының «Мұнайшы» мәдениет сарайына қала тұрғындары, Қарулы күштердің, қарулы қақтығыстардың ардагерлері, әскери қызметшілер, сондай-ақ болашақ Отан қорғаушылар жиналды.

Қала әкімінің орынбасары Жаңабай Аймағанбетов ардагерлер мен әскери қызметшілерге жылы лебізін білдіріп, олардың біздің азаматтарымыздың ашық аспан астында бейбіт өмір сүруіне қосқан зор үлесін атап өтті, ал жастарға  елдің нағыз қорғаушысы болуына тілек білдірді.

Қазақстанның еңбек сіңірген қайраткері Ұлттық әскери-патриоттық орталығының бастығы Арман Асеновтың басшылығымен ақпараттық-түсіндіру тобы жас ұрпаққа Қарулы күштер, олардың елдің тұрақты және үдемелі дамуын қамтамасыз етудегі маңызды қызметін айтып берді. Мерзімді әскери қызмет өткеру ерекшеліктері,  әскери оқу орындары туралы бейнероликтер жастардың ерекше қызығушылығын тудырды.

«Жас сарбаз» республикалық қоғамдық бірлестігінің басшылығы әскери-патриоттық қозғалыстың жергілікті филиалының тәрбиеленушілеріне ерлік сабағын өткізді, сондай-ақ қаланың 10 оқушысының жас патриоттар қатарына салтанатты түрде кіру рәсімі ұйымдастырылды.

Ақпараттық-түсіндіру тобы жұмысының соңында Ұлттық әскери-патриоттық орталығының шығармашылық ұжымы концерт қойды.

Жауап қалдырыңыз

Please enter your comment!
Please enter your name here