Орталық сайлау комиссиясы төрағасының орынбасары Константин Петров кандидаттарды тіркеу үшін қажетті құжаттардың тізімін жариялады.
Кандидаттарды тіркеу үшін қажетті құжаттар тізімі:
- қоғамдық бірлестіктің жоғары органы отырысының хаттамасынан президенттікке кандидат ұсыну туралы үзінді;
- қоғамдық бірлестіктің Әділет министрлігінде тіркелгені туралы құжаттың көшірмесі;
- президенттікке кандидат ретінде сайлауға түсуге келісім беру туралы өтініш;
- азаматтардың қолдарын тексеру нәтижесі туралы аумақтық сайлау комиссияларының хаттамалары;
- кандидаттың өмірбаяны;
- кандидат пен оның зайыбының (жұбайының) активтері мен міндеттемелер туралы декларацияларды тапсырғаны жөнінде мемлекеттік кіріс органының анықтамасы;
- кандидаттың сайлау жарнасын енгізгенін куәландыратын құжат;
- денсаулығының жай-күйі туралы медициналық қорытынды.
Айта кетейік, сайлау алдындағы үгіт 21 қазанда басталып, 18 қарашада аяқталады. 19 қараша – тыныштық күні. Ал, 20 қарашада халық сайлау учаскелеріне барып дауыс береді.
