Әлеуметтік қызметкердің айлығы қашан артады?

0
402

Бүгінде «Әлеуметтік кодекс» аясында әлеуметтік қызметкерлердің мәртебесін көтеру жоспарланып отыр. Бұл туралы Еңбек және халықты әлеуметтік қорғау вице-министрі Ербол Оспанов айтты.

«Әлеуметтік қызметкерлердің жалақысы – орта есеппен 220 мың теңге. Біз осыны ескере отырып, «Әлеуметтік кодекс» аясында олардың мәртебесін көтеруді көздеп отырмыз. Сол заңнама  аясында бірінші – мәртебесі көтеріледі, екінші – оларға қойылатын талаптар өзгереді, үшінші – олардың жалақы мәселесі қаралады. Ол үшін біздің министрлікте арнайы жұмыс тобы құрылған. Осы жылдың соңына дейін жұмыс тобы өзінің жалақы, мәртебе жайында ұсыныстарын береді. Сосын оның барлығы заңға енгізілетін болады», – деп түсіндірді Ербол Дүйсебайұлы. 

Вице-министрдің айтуынша, елімізде 12 мыңға жуық әлеуметтік қызметкер бар. Олар халықтың әртүрлі санаттарына өмір сүру сапасын жақсарту және күрделі өмірлік жағдайдан шығу үшін көмек көрсету мақсатында арнаулы әлеуметтік қызмет көрсетеді. Аталған сала мамандарының 45 пайызы – аудан орталықтары мен қалаларда, 30 пайызы – облыс орталықтары мен республикалық маңызы бар қалаларда, 25 пайызы – ауыл округтерінде еңбек етеді.

Жауап қалдырыңыз

Please enter your comment!
Please enter your name here