Елордада әскери қызметшінің отбасы үздік деп танылды

0
159

Қарулы күштердің Ұлттық әскери-патриоттық орталығында елорда әкімдігі ұйымдастырған «Үздік жас отбасы» байқауы өтті. Қазылар алқасының бірауыздан шешімімен Орталық әскери оркестрдің әскери қызметшісі кіші сержант Қазбек Сембековтің отбасы жеңімпаз атанды.

Балалар жылына арналған іс-шаралар аясында Астанада жас отбасылар арасында байқау ұйымдастырылды. Байқауда барлығы 53 отбасы бағын сынап, оның 10-ы алдын ала іріктеу нәтижелері бойынша ақтық жарысқа жолдама алды.

Форумның соңғы кезеңіне әншілер Қыдырәлі Болманов пен Қарақат Әбілдина, журналист Айкерім Есенәлі, мемлекеттік орыс драма театрының директоры Ернар Жұматаев, өнер және білім орталығының негізін қалаушы Мөлдір Мұқанова, медиаменеджер және продюсер Алпамыс Шәрімов және басқалар қолдау көрсетті.

Финалға қатысушылар интеллектуалды және шығармашылық сұрақтарға жауап берді, ұйымшылдық пен өзара түсіністік, сондай-ақ шығармашылық қабілеттерін көрсетті. Кіші сержант Қазбек Сембеков әйелі Ақеркемен бірге барлық сынақтардан сәтті өтіп, соңында Қыдырәлі Болманов пен Қарақат Әбілдинаның «Бақ таптым» әнін орындады. Ерлі-зайыптылар көрермендерді вокалдық және сахналық талантымен баурап алды.

«Үздік жас отбасы» байқауының қорытындысы бойынша әскери қызметшінің отбасы бірінші орынға ие болып, 500 000 теңге көлемінде тұрмыстық техниканы сатып алуға сертификат алды.

Сембековтар отбасында екі бала – ұлы Дінмұхамед төрт жаста, қызы Дамина екі жаста. Қазбек Сембеков отбасындағы басты байлық – балалары екенін, жұбайы екеуі олардың бойындағы қабілеттерін ашып, жақсы қасиеттер сіңіруге тырысатынын атап өтті.

Жауап қалдырыңыз

Please enter your comment!
Please enter your name here