Қазақстанда мал шаруашылығын субсидиялау бойынша қарызды өтеуге 30 млрд теңге бөлінді. Бұл туралы Премьер-Министр Әлихан Смайылов тиісті қаулыға қол қойды.
Аталған шара мал өсірушілер алдындағы субсидиялар бойынша берешекті өтеуге мүмкіндік береді. Осы қаулының қосымшасына сәйкес, Ақмола облысының әкімдігіне ең көп қаражат – 7,8 млрд теңге бөлінді.
«Жамбыл облысына 5 млрд теңге, ШҚО-ға 4,5 млрд теңге, БҚО мал өсірушілеріне 1 млрд теңге бағытталды. Ауыл шаруашылығы министрлігіне қажетті шараларды қабылдау, ал Қаржы министрлігіне бөлінген қаражаттың мақсатты пайдаланылуын бақылау тапсырылды», – деп жазылған хабарламада.
Жалпы биыл агроөнеркәсіп кешенін субсидиялауға Үкімет барлық көздерден 494 млрд теңге бөлді. Жақын арада инвестициялық субсидиялауға және несиелер мен лизинг бойынша пайыздық мөлшерлемені субсидиялауға қосымша 30 млрд теңге бөлу жоспарланып отыр.
