НЕГІЗІ 1913 ЖЫЛЫ 2 АҚПАНДА ҚАЛАНҒАН ҚАЗАҚТЫҢ ТҰҢҒЫШ ДЕМОКРАТИЯЛЫҚ ГАЗЕТІ

Газет тарихы

Бүгінгі «Qazaq» газетінің тарихы екі кезеңнен тұрады. Алғашқысы – 1913-1918 жылдар болса, екіншісі – 2006 жылдан қазіргі күнге дейінгі аралықты қамтиды. 1913-1918 жылдар ішінде «Qazaq» газетінің құрылтайшылары Әлихан Бөкейхановтың өзі мен оның сенімді үзеңгілестері Ахмет Байтұрсынов және Міржақып Дулатовтың қажырлы еңбектерінің арқасында газеттің 1-265 сандары жарық көрді. Газеттің алғашқы бас редакторы – Ахмет Байтұрсынов. Газет қолдан қолға, ауылдан ауылға өтіп, тозығы жетіп жыртылғанша оқылды. Оны сол заманда Дала және Түркістан уалаяттарына немесе 9 облыс және 1 губернияға бөлінген (Қыр баласы. «Қазақ» газеті, 1913 жыл, №8) Қазақ елінің түкпір-түкпіріндегі жұрт жаздырып алды. «Qazaq» газетін метрополияның Киевтен Қазанға, Санкт-Петербургтен Томскіге дейінгі университеттерінде білім қуып жүрген қазақ студенттері де жаздырып оқығаны туралы деректер кездеседі. Осылайша, аз уақыт ішінде «Qazaq» сол кездегі 5 миллионға жуық көшпенді халықтың көпшілігі білетін беделді басылымға айналды. Отаршыл империя заманынан аман шыға білген «Qazaq» газеті Кеңес өкіметінің Қазақстанға билік орнатуға тырысқан алғашқы күндерінде-ақ – 1918 жылдың наурызында біржола жабылды. Көп ұзамай оның құрылтайшылары мен авторларының басым көпшілігі саяси қуғын-сүргін кезінде атылып кетті. «Qazaq» газеті араға 88 жыл салып 2006 жылдың 22 наурызында бұрынғы басылымның заңды жалғасы ретінде жазушы Қоғабай Сәрсекеевтің ұйытқы болуымен 266 санынан қайта жарық көрді. Газеттің екінші тынысын ашқан жазушы Қоғабай Сәрсекеев 2014 жылы ауыр науқастан қайтыс болды. 2010 жылы 15 желтоқсанда Астанада Қазақстан Республикасының Тәуелсіздік күніне арналған салтанатты жиналыста ҚР Президенті Нұрсұлтан Назарбаев «Ұлы мақсаттарды өзінің алдына ұлы халық қана қоя алады» деген халықты құттықтау сөзінде: «Халқымыздың бұл ұлы жиынға (ЕЫҚҰ Саммитін айтады, – ред.) берген бағасын, қуанышының жиынтығын «Қазақ» газетінің бас редакторы Қоғабай Сәрсекеевтің мына сөздері жеткізсе керек: «Еш заманда, еш ғасырда ежелгі ғұн-түрік заманынан бері қазақтың бұл сайын даласы мұндай жиынды көрмеген. Алтын орданы құрған Бату ханнан бастап 71 хан пешенесіне де осындай барша адамзат мүддесін көздеп, Астана Саммитіндей абыройлы кеңес өткізу бұйырмапты. О заман басқа, бүгінгі заман бөлек. Енді тәуелсіз қазақ халқы осындай ұлы мәртебеге ие болды», – деп, газет мақаласынан үзінді келтіруі – редакция үшін зор абырой болды. Сол жылы Мемлекет басшысы өз қолымен жазған хатты редакцияға жолдады. 2011 жылы қазақтілді республикалық басылымдар арасында «Ең үздік республикалық газет» атанып, Қазақстан Журналистер академиясының әйгілі «Алтын Жұлдыз» сыйлығын жеңіп алды. 2012 жылы «Алаш» тарихи-этнологиялық зерттеу орталығы «Ар. Намыс. Мұрат» номинациясы бойынша ұлттық намысымыз бен ұлы мұраттарымызды асқақтатуға үндейтін зерделі мақалалары үшін марапаттады. 2013 жылы «Уақыт таңдауы» агенттігі мен республикалық қоғамдық-саяси «Президент және халық» газетінің бірлескен жобасы бойынша ұлт басылымдарының атасы «Qazaq» газеті шыға бастағанына 100 жыл толуына орай және тарихи сабақтастықты жүйелі жалғастырғаны үшін «2013 жылдың ең үздік басылымы» деп танылды. «Qazaq» газетінің бас редакторы 2014 жылдың желтоқсан айынан бастап Жасұлан Мәуленұлы, ал құрылтайшысы 2016 жылдың қараша айынан бастап меценат Махмұт Нәлібаев.

1 / 6
2 / 6
3 / 6
4 / 6
5 / 6
6 / 6
7 / 6
8 / 6
9 / 6

ҚР президенті Нұрсұлтан Назарбаев
Cinque Terre
Mountains and fjords
Northern Lights
Nature and sunrise
Snowy Mountains
Nature and sunrise
Nature and sunrise
Nature and sunrise