Сенат Төрағасы Ватиканның Қазақстандағы өкілімен кездесті

0
155

Сенат Төрағасы, Әлемдік және дәстүрлі діндер лидерлері Съезі Хатшылығының басшысы Мәулен Әшімбаев Ватиканның Қазақстандағы Апостол нунциі Фрэнсис Ассизи Чулликатпен кездесті.

Кездесу барысында елімізде дінаралық диалогты дамыту және қоғамдық келісімді нығайту мәселелері талқыланды.

Мәулен Әшімбаев биыл Қазақстан мен Ватикан арасындағы дипломатиялық қарым-қатынасқа 28 жыл толғанын атап өтті. Сондай-ақ, Сенат Төрағасы осы уақыт аралығында екі мемлекет түсіністік пен ынтымақтастыққа негізделген сындарлы өзара іс-қимыл қалыптастырғанына назар аударды.

Сонымен қатар Әлемдік және дәстүрлі діндер лидерлері Съезі Хатшылығының басшысы біздің қоғамда толеранттылықты және түрлі дін мен этнос өкілдеріне құрметпен қарауды дәріптеп жүрген Қазақстандағы католик шіркеуінің жұмысына тоқталды.

Одан бөлек, Мәулен Әшімбаев пен Фрэнсис Ассизи Чулликат Әлемдік және дәстүрлі діндер лидерлері Съезі Хатшылығының жұмысы аясында сындарлы өзара іс-қимылды әрі қарай жалғастыруға ниетті екендерін жеткізді.

ҚР Парламенті Сенатының баспасөз қызметі

Жауап қалдырыңыз

Please enter your comment!
Please enter your name here