Алдағы 1 шілдеден бастап 7 бала тәрбиелеп өсірген аналардың жәрдемақысы 25 530 теңге болады. Бұл туралы ҚР Еңбек және халықты әлеуметтік қорғау вице-министрі Ербол Оспанов хабарлады.
«Әлеуметтік кодекс аясында 1 шілдеден бастап «Марапатталған аналар» туралы жаңа ұғым енгізіліп отыр. Бұл мәртебе көп балалы аналардың еңбегін құрметтеу және мойындау ретінде өмір бойына «Алтын алқа», «Күміс алқа», «Батыр ана», І және ІІ дәрежелі «Ана даңқы» ордендерімен наградталған әйелдерге беріледі», – деп нақтылады вице-министр.
