Ғасыр тарихы бар «Qazaq» газеті «UIB кафедралары» айдарын бастайды. Жаңа айдарда бүгін болашақ көшбасшылар мен кәсіпкерлерді дайындайтын «Менеджмент және бизнес» кафедрасына тоқталамыз.
«Менеджмент және бизнес» кафедрасы Кенжеғали Сағадиев атындағы Халықаралық бизнес университетінің менеджмент, бизнес-әкімшілігі, маркетинг және логистика саласында мамандар даярлайтын жүйелі кафедра болып табылады. Кафедрадағы білім алушылар контингенті 1 142 студенттен тұрады.
Бакалавриат мамандықтары:
• Бизнес әкімшілігі (Бизнесті басқару);
• Арт-менеджмент;
• Менеджмент;
• Цифрлық экономикадағы маркетинг;
• Маркетингтік зерттеулер мен аналитика;
• Логистиканы ұйымдастыру және басқару;
• Халықаралық бизнес-логистика.
Магистратура мамандықтары:
• Халықаралық логистикалық менеджмент;
• Маркетинг;
• Менеджмент.
Магистратура екі бағытта ұсынылады: профильді (бір жылдық) және ғылыми-педагогикалық (екі жылдық).
Магистратураның мамандықтары:
• Маркетинг;
• Менеджмент.
Барлық мамандықтарға мемлекеттік және ішкі гранттар беріледі.
Оқу бағдарламасының практикалық бағытта екендігін атап өткен жөн. Оқу процесіне менеджмент, маркетинг және логистика салаларында тәжірибелі практик-оқытушылар белсенді түрде тартылған. Студенттер үшін ғылым, экология және креативті ойлау, бизнес процестері бойынша қонақ дәрістер өткізіледі. Мысалы, наурыз айында Орталық Азиядағы CAPS Unlock аналитика орталығының сарапшылары «Ғылым және экология» тақырыбында бинарлық лекция өткізді. Дәріс барысында экологиялық өзекті мәселелер мен ғылыми зерттеулердің жаһандық мәселелерді шешудегі рөлі талқыланды.
«Ғылым және креативті ойлау» тақырыбындағы қонақ лекциясына шақырылған дәріскер Аскарбеков Ерлан – саяситехнолог, PR-маманы, Mecenat.kz қорының (Тимур Турлов қоры) негізін қалаушы, креативті индустрияларда ғылыми тәсілді қолдану тәжірибесімен бөлісе отырып, бұқаралық ақпарат құралдарында ғылыми идеяларды ілгерілету тетіктері туралы да айтып өтті.
Бұл ақпарат студенттерге тек білім беріп қана қоймай, әртүрлі салаларда ғылыми әдістерді практикалық түрде қолдануға мүмкіндік берді. Сонымен қатар, қонақ спикерлер ретінде «LVMH» люкс брендтерінің, «Astana Motors» ЖШС, «Филип Моррис Қазақстан» ЖШС, «Admixer advertising» цифрлық агенттігінің, «Evrika» ЖШС, DASM Group және басқа да компаниялардың өкілдері қатысты.
Оқу барысында далалық сабақтар, іс-шаралар мен экскурсиялар белсенді түрде қолданылады. Студенттер пәндер аясында мұражайларға, зауыттарға, кәсіпорындарға барады. Мәселен, 2025 жылдың наурыз айында студенттер «Phaeton» компаниясына барып, бизнестегі логистикалық процестің ұйымдастырылуын, заманауи логистиканың маңыздылығы мен оның тәжірибеде қалай қолданылатынын көрді. Және Орталық Азиядағы жақсы автоматтандырылған қоймалардың біріне экскурсия ұйымдастырылды. Сонымен қатар, студенттер «Керемет СУ», «Самал» брендімен су өндіретін зауыттарына барды. Кәсіпорын қызметкерлері су тазарту, құю және қаптау технологиялық барысымен сапаны бақылау жүйесі туралы егжей-тегжейлі айтып берді. Студенттер логистикалық тұжырымдамалардың тәжірибеде қалай жүзеге асырылатынын, соның ішінде процестерді оңтайландыру мен заманауи технологияларды қолдануды өз көздерімен көрді. Бұдан бөлек, студенттер «Кедентранссервис» АҚ, «ҚТЖ», «ҰК» АҚ, «Бахус» АҚ зауыты және тағы басқа да ұйымдарға экскурсия жасайды.
Алайда, университеттегі оқу тек білім беру процесімен шектелмейді, сонымен қатар тәрбиелік мәнге де ие. Кафедра оқытушылары студенттерімен тәрбие жұмысы аясында жастардың өзекті мәселелері мен түйткілді сұрақтарын талқылайды және қызықты әрі мотивация беретін спикерлерді шақырады. Осы бойынша, 2025 жылдың наурыз айында «Халықаралық бизнес-логистика» мамандығының 3-курс студенттерімен «Менің табысқа жету жолым» немесе «Мақсаттар – шабыт көзі» тақырыбында кураторлық сағат өтті. Шақырылған қонақ – спортшы, ультрамарафоншы, «Қуанышпен жүгіру» жобасының жетекшісі Сергей Ткаченко өз өмір жолы туралы баяндап, студенттерге мотивациялық сөз сөйледі. Студенттер үлкен қызығушылықпен тыңдап, белсенді түрде сұрақтар қойды.
Сонымен қатар, «Менеджмент және бизнес» кафедрасы ғылыми жұмыстар мен халықаралық ынтымақтастыққа белсенді түрде қатысады. Мысалы, 17-21 наурыз аралығында кафедраның доценті София Жалелева академиялық мобильділік бағдарламасы Erasmus+ аясында Румыния-Американ университетінде (Бухарест, Румыния) білім алды. Бағдарлама барысында әріптестер шетелдік әріптестерімен тәжірибе алмасып, Erasmus студенттерді алмасу жәрмеңкесіне қатысты. Бұл шара біздің университетімізді Румыния-Американ университетінің студенттеріне таныстыруға тамаша мүмкіндік болды. Және София Жалелева осындағы студенттерге өз мамандығы бойынша дәрістер өткізді.
Бұған дейін «Менеджмент және бизнес» кафедрасының профессоры, «Болашақ» бағдарламасының стипендиаты Садыкова Г.М. Ресей Федерациясындағы Ұлттық зерттеу университеті «Жоғары экономика мектебі» Санкт-Петербург экономика және менеджмент мектебінде білім алған. Ғылыми тағылымдама аясында Садыкова Г.М. ЖЭМ магистранттарына шолу дәрістерін оқыды. Тағылымдама барысында алынған жаңа білім, ғылыми нәтижелер мен тәжірибе Кенжеғали Сағадиев атындағы Халықаралық бизнес университеті студенттерінің білім сапасын арттыруға өз үлесін қосты.
Халықаралық ынтымақтастық аясындағы білім беру бойынша тек профессорлық-оқытушылар құрамы ғана емес, білім алушылар да қатыса алады. Осы бойынша, «Маркетинг» мамандығының докторанттары «Erasmus» академиялық мобильділік бағдарламасымен Италияның Варезе қаласында үш айлық білім алды. Бағдарлама барысы маркетинг, статистика және математикалық модельдеу бағыттары бойынша профессорлардан кеңес алу қамтылды.
«Менеджмент және бизнес» кафедрасының студенттері мен магистранттары Франция, Испания, Польша, Латвия, Румыния, Оңтүстік Корея, Қытай және басқа да елдердің академиялық мобильділік бағдарламаларына белсенді түрде қатысуда.
Кафедрада дөңгелек үстелдер, конференциялар, спорттық жарыстар өткізіледі. Мәселен, 2024 жылдың 16 қазанында университет қабырғасында XI-ші «KAZLOGISTICS» транспортшылардың жастар форумы аясында «Көліктің болашағы: тәжірибе мен инновациялардың синергиясы жасанды интеллект көзімен» тақырыбында салтанатты ашылу рәсімі мен көлік саласындағы жоғары оқу орындары арасында спартакиада өтті. Спартакиадада шахмат, үстел теннисі және мини-футбол сынды жарыстар ұйымдастырылды.
Спартакиадаға Қазақстанның әр өңірінен келген 17 ЖОО қатысты. Университет 150-ден астам қонақты қабылдады. Қатысушылардың барлығы дерлік университеттің қонақжайлығын, кең әрі таза аудиторияларын, үлкен спортзалын ерекше атап өтті.
«KAZLOGISTICS» қауымдастығының басшылығы университет ректоры А.М. Махметова, ұйымдастырушыларға, соның ішінде музыкалық сүйемелдеушілер, жүргізушілер, студенттер мен спортшыларға алғыс білдірді.
Ынтымақтастық барысында университет пен «KAZLOGISTICS» қауымдастығы арасында меморандумға қол қойылды.
«Менеджмент және бизнес» кафедрасы бизнес өкілдерімен және басқа да жоғары оқу орындарымен тығыз ынтымақтастық байланыста жұмыс істейді.
Сонымен қатар, ақпан айында «Менеджмент және бизнес» кафедрасының профессорлық-оқытушылық құрамының Ірі және ауыр жүктерді тасымалдаушылардың Ұлттық қауымдастығымен және «ТрансЭкспедиция» ЖШС компаниясының өкілдерімен кездесті. Кездесу барысында жұмыс берушілер «Логистика» білім беру бағдарламасы түлектерінің жоғары біліктілігін және сапалы дайындығын ерекше атап өтті. Кездесу нәтижесінде UIB университеті ірі габаритті және ауыр салмақты жүк тасымалдаушылардың Ұлттық қауымдастығына мүше болып кірді. Студенттердің өндірістік тәжірибесін ұйымдастыру, қонақ дәрістер өткізу, білім беру, ғылым және логистика салаларындағы ынтымақтастық мәселелері шешілді.
Одан кейін 11 наурызда «Қазақстанның транзиттік әлеуеті» атты дөңгелек үстел өтті. Бұл шара «TransExpeditions» ЖШС мен «Менеджмент және бизнес» кафедрасының бірлесуімен ұйымдастырылды. Бұл алаңда логистика саласындағы сарапшылар, бизнес өкілдері мен ғылыми қауымдастық мүшелері бас қосып, саланың негізгі міндеттері мен даму перспективаларын талқылады.
Ал, 28 наурызда Кенжеғали Сағадиев атындағы Халықаралық бизнес университетінде «Көлік қызметі» кадрларды даярлау бағыттары бойынша «Мұхамеджан Тынышпаев атындағы ALT университеті» АҚ базасында Республикалық оқу-әдістемелік бірлестігінің мүшелеріне арналған әдістемелік семинар өтті. Семинар «Көлік қызметтері» бағытында мамандар даярлау сапасын арттыру және оқытушылардың кәсіби құзыреттілігін дамыту мақсатында ұйымдастырылды. Семинар барысында келесі тақырыптар қарастырылды: Эдвард де Бононың «Алты қалпақ» әдісі және TRIZ (Өнертапқыштық тапсырмаларды шешу теориясы) қолдану; Имитациялық іскерлік ойындар; Google платформасында жауаптары жоқ емтихан сұрақтарын құрастыру әдістемесі. Әдістемелік семинарға Қазақ ұлттық аграрлық зерттеу университеті, Қ.И. Сәтбаев атындағы Қазақ ұлттық техникалық зерттеу университеті, Мұхамеджан Тынышпаев атындағы ALT университеті және Тұран университетінің оқытушылары қатысты. Қатысушылар семинардың жоғары деңгейде ұйымдастырылғанын, мазмұнды әрі қызықты материалдар ұсынылғанын ерекше атап өтті.
