Қарулы Күштерде мамандық бойынша даярлық ұйымдастырылуда. Оқу кезеңінің басында өтетін бұл дайындық әскери қызметшілердің жауынгерлік даярлық бағдарламасының негізгі кезеңдерінің бірі.
Мамандыққа даярлау әскери қызметшілер тиісті ұсынымға сәйкес оқитын сабақтар кешенін қамтиды. Негізгі мақсаты – штаттық қару-жарақ пен әскери техниканың функционалдық міндеттерін, материалдық бөлігін, оларды пайдалану тәртібін зерделеу.
Бұл ретте механик-жүргізушілерді, көздеуші-операторларды, пулеметшілерді, гранатаатқыштарды, отшашаршыларды және басқа да мамандарды даярлау жөнінде жекелеген топтар құрылады.
Бөлім командирлеріне ұрысты ұйымдастыру, оқ атуды басқару, қаруды қалыпты ұрысқа келтіру мәселелерін, жауынгерлік даярлық сабақтарын өткізу әдістемесі оқытылады.
Қарулы Күштерде барлығы 2 500-ден аса топ құрамында 31 мыңнан астам маман оқуға тартылды.
Мамандық бойынша даярлау бір ай бойы бөлімшелердің нұсқаушы командирлері мен сержанттарының басшылығымен әскери бөлімдердің бөлімшелерінде штаттық-лауазымдық ұсынымдарына сәйкес жүргізіледі.
Оқу-әдістемелік және марапаттау құралдарын пайдалана отырып, сабақтар қару-жарақ пен әскери техникада, оқу сыныптарында және оқу-жаттығу полигондарында жүргізіледі.
Тәжірибе сабақтары үшін оқу-материалдық база және қажетті оқ-дәрілер бөлінеді.
Оқу аяқталғаннан кейін әскери қызметшілер сынақтар мен емтихандар тапсырып, соның нәтижелеріне қарай штаттық техникамен және қару-жарақпен жұмыс істеуге жіберіледі.
Жауынгерлік даярлықтың бұдан кейінгі кезеңінде бөлімшелердің, бөлімдердің, құрамалардың және басқару органдарының жауынгерлік міндеттерді орындаудағы бірлескен іс-қимылдарын пысықтауға бағытталған бөлімшелерді үйлестіру болып табылады.
Естеріңізге сала кетсек, Қарулы Күштердегі жаңа оқу жылы желтоқсан айында Қазақстан Республикасы Тәуелсіздігінің 30 жылдығы қарсаңында басталған болатын.
Әскер жауынгерлік құралымның жаңа кезеңі «Қарулы Күштердің 30 жылдығына – біздің ерен еңбегіміз!» ұранымен өтеді.
