Өткен жылдың қыркүйек айында пандемия кезінде біз Орталық Азия елдерінің Денсаулық сақтау министрліктері мен бейінді медициналық ұйымдары өкілдерінің қатысуымен медицина саласындағы сарапшылардың бірінші дөңгелек үстелін ұйымдастырдық. Онда талқылаудың басты тақырыптары коронавирустың таралуына қарсы іс-қимыл мәселелері мен вакцинацияны қамтамасыз ету жөніндегі жаһандық міндеттер болды.
Рас, пандемия бүкіл адамзат үшін жаһандық мәселеге айналды. Ал, вакцинация – коронавирустың таралуына тосқауыл қоятын маңызды шара болып табылады. Осыған байланысты біздің қауымдастық Қазақстан мен Орталық Азияның басқа да елдерінің сарапшыларын тарта отырып, екінші дөңгелек үстел ұйымдастыруды жоспарлап отыр. Бұл іс-шараны біз вакцинация тақырыбына арнағымыз келеді, яғни вакцинаның пандемиямен күрестегі тиімділігін растап, екпеге қатысты мәселелерді талқылағымыз келеді.
Эрия КИТАНО, Жапония медициналық қауымдастығының атқарушы директоры
