175 жылдық тарихы бар Associated Press халықаралық ақпарат агенттігі (АҚШ) жылдағы дәстүр бойынша биыл да 2021 жылдың ең үздік 15 фотосын жариялады. Үздіктер қатарында болған осы туындыны неміс фотографы Michael Probst ағымдағы жылдың ақпан айында түсірген. Сол кезде Германияның батысындағы Рейн өзені арнасынан шығып, немістерді әбігерге салған болатын. Ниддерау қаласында су басқан темір жолмен кетіп бара жатқан пойыз осылайша объективке түсіп қалған.
