Әр мәдени мекеме Тәуелсіздік күніне қарқынды дайындалуда

0
865

Егеменді еліміздің ең маңызды мерекесі – Тәуелсіздік күніне орай Ақмола облысының әрбір мәдени мекемесі қарқынды дайындық жасауда. Бұл туралы Ақмола облысы мәдениет, архивтер мен құжаттамалар басқармасының басшысы Айгүл Сәбитова «Ел Тәуелсіздігінің 30 жылдығы аясында мәдениет саласында атқарылып жатқан жұмыстар туралы» тақырыбындағы брифингте баяндады.

Қазақстан Республикасы Тәуелсіздігінің 30 жылы ішінде 123 кітапхана, 7 музей және 107 клуб нысаны ашылды, оның ішінде 91-і мемлекеттік, 2 музей: М.Ғабдуллин музейі, «Ботай-Бурабай» ашық аспан астындағы музейі салынды. Ш.Құсайынов атындағы қазақ музыкалық-драма театрының ғимараты қайта жаңартылды.

Ақмола облысы әкімі Ермек Боранбайұлы Маржықпаевтың қолдауымен тек соңғы 3 жылда 3 млрд. теңгеге 85 мәдениет нысаны жөнделді.

Ағымдағы жылы Nur Otan партиясының «Өзгерістер жолы.Әр азаматқа лайықты өмір!» сайлауалды бағдарламасының Жол картасына енген жобалар іске асырылуда, оған 5 нысанның құрылысы мен ашылуы (Бастау а. ЖДО, Атбасар ауданы – 277,0 млн.тг; Тасөткел А. МДО, Жарқайың ауданы – 100,0 млн. т.; сал-серілер музейі, Біржан сал ауданы-75,0 млн. тг.; Бурабай а. кітапханасы, Бурабай ауданы-80,0 млн.т; Ұзынкөл а. МДО, Егіндікөл ауданы-150,0 млн. тг. – нысанды сапалы тапсыру үшін қасбеттік жұмыстарды жүргізу мүмкіндігін қарастыру қажет), жалпы сомасы 1,1 млрд.теңгеге 23 жөндеу жұмыстары енгізілді.

«Биыл рухы асқақ, тұғыры биік төл мемлекетімізге 30 жыл толып отыр. Қазақстан Республикасының Президенті Қасым-Жомарт Кемелұлы Тоқаев «Тәуелсіздік бәрінен қымбат» атты мақаласында: «Тәуелсіздік – біздің ең қастерлі құндылығымыз» деген болатын. Тәуелсіздік күнін жоғары деңгейде атап өту біздің азаматтық борышымыз» – деп атап өтті басқарма басшысы.

Жыл бойы мәдениет мекемелері ҚР Тәуелсіздігінің 30 жылдығына арналған 500-ден астам түрлі іс-шаралар өткізді, оған 225 мың адам қатысты.

«30 жұлдызды күн» жоспары аясында бірқатар халықаралық, республикалық, аймақаралық және облыстық іс-шаралар өтеді деп жоспарланып отыр.

Бүгінгі күндері облыс аудандарында «Ақмола жұлдызы» көркем өнерпаздар байқауы өтуде, облыс орталығында алғаш рет жас айтыскерлердің (Ресей, Өзбекстан, Қырғызстан, Моңғолия)қатысуымен «Тәуелсіздік-тұғырым» халықаралық айтысы, Тәуелсіздік құрдастары-ақындарының арасында «Тәуелсіз елімді жырлаймын» халықаралық мүшәйрасы (Түркия, Ресей, Германия, Франция), «Тәуелсіздік – бабам берген аманат» авторлық әндерінің облыстық байқауы, «Үздік экскурсовод – 2021» республикалық конкурсы, Көкшетау-Талдықорған қалалары арасындағы «Біржан-Сара» айтысының 150 жылдығына арналған айтыс, Степногорск қ «Үкілі домбыра»атты домбырашылар конкурсы, Біржан сал ауданында ҚР Елтаңбасының авторы Жандарбек Малибековқа арналған «Шаңырақ – Тау» пьессасының қойылымы, Бурабай ауданында «Читают 30 ровесников Независимости Казахстана» атты челлендж, «Менің Әнұраным, Менің мақтанышым» атты флешмоб өтеді.

Айтулы мереке қарсаңында «Ұлы дала өрнектері» реэкспозициясынан кейін әдебиет және өнер музейінің жаңа экспозициялық залдары, облыстық тарихи-өлкетану музейінде қуғын-сүргін жылдарына арналған «Қаралы жылдар жарасы» залы, Біржан сал ауданында «Сал серілер» музейі ашылады.

Алғаш рет «Көкшетау» мәдениет сарайында дәстүрлі ән өнерін жандандыру мақсатында «Дәстүрлі ән орталығын» ашу жоспарланған болатын, облыстық халық шығармашылығы және мәдени демалыс орталығы жанынан «Бурабай» күй мектебі ашылып, Нұр-Сұлтан қаласында «Дегдар» қайырымдылық қорының төрайымы Дариға Нұрсұлтанқызы 36 домбыраны сыйға тартты.

Ақмола облысы суретшілерінің шығармашылығын насихаттау мақсатында «Азат елдің аспаны» атты бірінші арт-альбомының тұсаукесері өтеді (Ақмола облысы Суретшілер одағының төрағасы Ю.Поповтың, ҚР Суретшілер одағының мүшелері: Дужан Мағзұмов, Кәрім Бектас, Дулат Қоспанов, Ибрагим Исеновтың жұмыстары).

Патриотизмді қалыптастыру және қазақ халқының тарихын, ұлттық мәдениет пен руханияттың маңызын насихаттау мақсатында алғаш рет қазақ халық аспаптарының хорына, солистері мен оркестріне арналған «Бабалар аманаты» кантатасы мерейтойлық жылы жазылды (Слайд №8).

Туындының авторлары-жазушы, драматург, «Достық» орденінің иегері Баянғали Әлімжанов, қазақстандық композитор, пианист, ҚР Композиторлар Одағының мүшесі Арман Жайым.
Мерекелік іс-шараны сапалы дайындау және өткізу үшін ҚР еңбек сіңірген қайраткерлерімен, балетмейстерлерімен бірлесіп жаңа шығармашылық жобалар ұсынылады («Гәккулеткен Көкшетау» – жоғары санатты қоюшы балетмейстер, Қазақстанның еңбек сіңірген қайраткері, Ш. Жиенқұлова атындағы Бірінші Республикалық қазақ би байқауының лауреаты Тати Айгүл Әбікенқызы; «Тәуелсіздік қырандары» хореографиялық қойылым – педагогика ғылымдарының кандидаты, «Қазына» халық би ансамблінің көркемдік жетекшісі және бас балетмейстері Зәуре Әжібекова; «Тәуелсіздік тұғыры» бір актілі нео-балет спектаклін қоюшы – жерлесіміз, «Көкшетау» халық би ансамблінің түлегі, «Салтанат» мемлекеттік ансамблінің әртісі Алексей Ковалев, Алматы қаласынан келген театр режиссері, хореограф, балеттанушы Дамир Оразымбетов – «Бастау» прологтық композициясы; «Ақ Дидар» – Нұр-Сұлтан қ. Қазақ ұлттық хореография академиясының аға оқытушысы Алмат Шәмшиев, «Көкшетау» халықтық хореографиялық ансамблінің жетекшісі, «Мәдениет қайраткері» құрмет белгісінің иегері Мәдина Тлеулина «Мәңгілікке қадам – шаг к Вечности» қойылымын дайындауда.

Жыл бойы қазақ халқының мәдениеті мен өнерінің дамуына елеулі үлес қосқан көрнекті мәдениет қайраткерлерінің мерейтойлық күндеріне арналған іс-шаралар өтті.

Абылай хан алаңында (Бурабай ауданы) өткен Қажымұқан Мұңайтпасовтың 150 жылдығына арналған «Көнеден жеткен күмбір» фольклорлық ансамбльдердің аймақтық байқауына Қарағанды, Қостанай. Солтүстік Қазақстан облыстарынан, Зеренді, Целиноград, Біржан сал, Бурабай, Ақкөл, Жарқайың, Егіндікөл, Атбасар аудандары мен Нұр-Сұлтан, Көкшетау, Степногорск қалаларынан өнерпаздар қатысты.

Степногорск қаласында өткен «Арқаның ән дариясы» байқауына Нұр-Сұлтан қ., Павлодар қ., СҚО және Аршалы, Целиноград, Ерейментау, Қорғалжын, Бурабай аудандарынан әртістер қатысты;
Дина Нұрпейісовтің 160 жылдығына арналған «Бұлбұл» домбырашылардың аймақтық байқауына Қорғалжын, Шортанды, Аршалы, Есіл, Зеренді, Біржан сал, Ерейментау аудандары мен Қостанай, Нұр-Сұлтан қалалары қатысты.

Атбасар аудандық мәдениет үйінде өткен «Биле, жастық!» облыстық байқауына Зеренді, Есіл, Жарқайың, Атбасар, Целиноград, Бурабай, Қорғалжын, Жарқайың, Ақкөл, Аршалы, Шортанды, Жақсы аудандары мен Көкшетау, Степногорск қалалары қатысты.

«Өнерлі шаңырақ» облыстық байқауы Шортанды ауданында Зеренді, Астрахан, Аршалы, Шортанды, Егіндікөл, Целиноград аудандары мен Степногорск қаласының қатысуымен өтті.

Сандықтау ауданында Шортанды, Сандықтау, Атбасар, Целиноград, Ақкөл, Қорғалжын аудандарының қатысуымен «Қазыналы қария» облыстық байқауы өтті.
Облыстық деңгейде өткен байқауларда Астрахан, Бұланды және Жақсы аудандары асқан белсенділік танытпады.

Ақмола облысының дәстүрлі түрде өткізілетін ең ауқымды іс-шара –көркемөнерпаздар байқауы болып табылады, тәуелсіздік жылдары байқау қорытындысы бойынша 22 жеңіл автокөлік, 7 шағын автобус табыс етілді, ұйымдастыру техникасы мәдениет объектілерінің материалдық-техникалық базасын айтарлықтай нығайтты.

Дәстүрлі өнерді, халықтық жанрды – фольклорды, айтысты, дәстүрлі ән айтуды, халық билерін сақтау және насихаттау мақсатында Ақмола облысының шығармашылық кластерлерін ашу жоспарлануда (бұл тиімділікті арттыру мақсатында бір топқа логикалық түрде біріктірілген функциялары ұқсас бірнеше объектілер), олардың негізінде кәсіби шеберлікті дамыту, арттыру және жаңа ұжымдар құру мақсатында тұрақты негізде ҚР еңбек сіңірген қайраткерлері шақырылатын болады:

– «Ғасырлар үні» – фольклор орталығы, Зеренді ауданы;
– «Би әлемі» – қазақ халық биі орталығы, Қорғалжын ауданы;
– «Айтыс өнері» – «Айтыс» жанрын дамыту орталығы, Көкшетау қаласы;
– «Дәстүрлі ән» орталығы, Біржан сал ауданы.

Ақмола облысының аудандары мен қалаларында мерейтойлық датаға арналған салтанатты іс-шаралар: кітаптардың тұсаукесері, кітап көрмелері, айтулы тұлғаларды құттықтау, игі істер марафондары, тәуелсіздік құрдастарының құрметіне арналған флешмоб, «Менің Туым- менің мақтанышым» флешмобы, Ақмола облысы домбырашыларының Дина Нұрпейісованың «Әсем қоңыр» күйін бір мезетте орындауы, патриоттық акциялар өткізіледі.

Жауап қалдырыңыз

Please enter your comment!
Please enter your name here