Ұлттық экономика министрі Әлібек Қуантыровтың сөзінше, 2029 жылға дейін ұзартылған халықтың табысын арттыру бағдарламасында 10 бағытқа басымдық беріледі. Бағдарлама аясындағы шараларды шартты түрде тікелей және жанама деп бөлуге болады. Тікелей шаралар бюджет жұмыскерлерінің жалақысын көтеруге және кірістердегі теңгерімсіздікті теңестіруге бағытталса, жанама шаралар халықты жұмыспен қамтуға жәрдемдесу, кәсіптік даярлау, өңдеуші кәсіпорындардың өнімділігін арттыру және кәсіпкерлікті дамыту арқылы табыстың өсу мүмкіндіктерін кеңейтуге бағытталған.
