Ко Панжи – Тайландтың Пхангнга провинциясындағы балықшылар ауылы. Оны XVIII ғасырдың аяғында көшпелі малай балықшысы құрды. Малай балықшылары теңіздегі ауылды қадаларға салғандығымен ерекшеленеді. Бүгінде екі ғасырдан астам уақыт бұрын Явадан келген екі мұсылман теңізшілер отбасы құрған ауылда 360 отбасы немесе 1 685 адам тұрады.
Расында, халқының 95 пайызы буддизм дінін ұстанатын елде бұрын мұсылмандарға, соның ішінде малай ұлтына жерді иеленуге рұқсат етілмеді. Келімсектерге жергілікті заң қарсы шықты. Әйтсе де, 70 млн халқы бар Тайландта қоғамның әл-ауқатының артуымен және туристік индустрияның дамуымен Ко Панжиде жер сатып алу мүмкін болды. Сондықтан негізінен малайлар тұратын ауыл балықшыларға оңай қол жетімділікті қамтамасыз ететін шығанақтың аралдармен қорғалған бөлігінде қадаларға салынған. Содан кейін алғашқы нысандар: мешіт пен тұщы су құдығы салынды.
Теңіз үстіндегі ауылда қыздар да, ұлдар да баратын мұсылман мектебі бар. Ол ресми түрде танылған білім бермейді, сондықтан көптеген балалар Пхангнга немесе Пхукет провинцияларының мектептерінде оқиды.
Ауыл тұрғындары материктен келетін дәрі-дәрмектер, киім-кешектер сияқты қажетті заттарды сатады. Туризмнің өсуіне қарамастан, Ко Панжидің өмірі әлі де балық аулаумен байланысты, өйткені туристердің көпшілігі тек құрғақ маусымда келеді.
Ауылда қалқымалы футбол алаңы бар. 1986 жылғы Әлем чемпионатынан шабыттанған балалар оны ағаштан тұрғызды. Ел үкіметі футбол командасын құруға және Таиланд мектептерінің чемпионатына қатысуға шешім қабылдады. Команда ішкі турнирде жартылай финалға жетіп, екінші орынға ие болған кезде, матчтың екінші жартысында балалар әдеттегідей жалаңаяқ ойнағанына қарамастан, бүкіл ауыл спортпен шұғылданады. Қазір жаңа алаң салынды.
Жанар ДӘУЛЕТҚЫЗЫ
