Көкшетауда Еркін Әуелбековке ескерткіш орнатылды

0
884

Көкшетау қаласында көрнекті мемлекет және партия қайраткері, Социалистік Еңбек Ері еркін Әуелбековке арналған ескерткіштің салтанатты ашылуы өтті.

Іс-шарада сөз сөйлеген Ақмола облысының әкімі Ермек Маржықпаев Еркін Әуелбековтің облысты дамытудағы рөлін, оның халық шаруашылығын дамытуға қосқан үлесін атап өтті «Еркін Әуелбеков басқарған 10 жыл ішінде Көкшетау облысы тек Қазақ КСР-де ғана емес, одақта да халық шаруашылығы саласын дамыту бойынша көшбасшылардың біріне айналды. Осы кезеңде сол кездегі жоғары дамыған қалалық және ауылдық инфрақұрылым құрылды», сонымен қатар Социалистік Еңбек Ері мен монументке іргелес аллеяны атауды ұсынды. Аймақ басшысының ұсынысын қала тұрғындары қол шапалақпен қарсы алды.

Айтпақшы, ескерткіш халық қаражатына жасалып, орнатылды.

Ашылу салтанатында Көкшетау қаласының Құрметті азаматы, денсаулық сақтау саласының үздігі Болат Жанәділов және «Еркін Әуелбеков қоры» қоғамдық қорының басшысы Оразкен Нұртазин сөз сөйледі.

Еске алу іс-шаралары Еркін Әуелбековтің өмірі мен қызметіне арналған конференциямен жалғасты.

Айта кету керек, Е.Әуелбеков (1930-1999) – ҚазКСР астық өнімдері және құрама жем өнеркәсібі министрі, Көкшетау облыстық партия комитетінің, Торғай және Қызылорда облыстық комитетінің бірінші хатшысы, КСРО Халық депутаты, ҚР Президентінің кеңесшісі қызметін атқарды.

Жауап қалдырыңыз

Please enter your comment!
Please enter your name here