Қазақстан Республикасы Премьер-Министрінің орынбасары – Сыртқы істер министрі Мұхтар Тілеубердінің Италия Республикасына сапары шеңберінде Италияның Сыртқы істер және халықаралық ынтымақтастық министрі Луиджи Ди Майомен келіссөздері өтті.
Келіссөздер барысында Алматы – Милан бағыты бойынша аптасына 2 рет жиілікпен тікелей әуе қатынасын ашудың маңыздылығы сөз болып, оның екі елдің сауда-экономикалық байланыстарын дамытуға ықпал ететіні баса айтылды.
ҚР Индустрия және инфрақұрылымдық даму министрлігінің мәліметінше, Милан – Алматы – Милан бағытындағы тұрақты әуе рейстері алдағы 12 маусымнан басталады. Жолаушылар тасымалы әр аптаның дүйсенбі және бейсенбі күндері «Boeing 737» және «787» әуе кемелері арқылы жүзеге асырылады.