Halyk Bank өрттен зардап шеккен отбасыларға 1 млн теңгеден береді

0
134

Halyk Bank Қостанай облысында өрттен зардап шеккендердің несиесін кешіріп, үйлері өртеніп кеткен әр отбасына 1 млн теңгеден береді. Бұл туралы Қазақстандағы ең ірі банктің Instagram парақшасында хабарланды.

«Halyk Bank Қостанай облысында үйлері өртеніп кеткен әр отбасына 1 млн теңге көлемінде қаржылай көмек жібереді. Үйінен айырылған адамдар күш жинап, алған қаражатын ең қажеттісіне – тұрғын үйді жалға алуға, киім-кешек, тамақ және қажетті тауарлар сатып алуға жұмсауға мүмкіндік алады. Сонымен қатар, банк басшылығы жанып кеткен үйлердің барлық иелеріне Halyk Bank-тегі қолданыстағы кредиттерді жабу туралы шешім қабылдады» делінген әлеуметтік желіде жарияланған жазбада.

Айта кетейік, негізі 1923 жылы қаланған Halyk Bank жыл басында қанды қаңтарда зардап шеккендерге көмек көрсету мақсатында 3 млрд теңге бөлген болатын. Бұл қаржы шағын және орта бизнес секторындағы зардап шеккен кәсіпкерлерге көмекке, қираған нысандарды қалпына келтіруге және дереу шешуді талап ететін басқа да міндеттерге бағытталды.

Жауап қалдырыңыз

Please enter your comment!
Please enter your name here