Ұлттық кеңістіктік деректер инфрақұрылымын құруды көздейтін заң

0
212

Депутаттар Халықаралық қатынастар, қорғаныс және қауіпсіздік комитетінің кеңейтілген отырысында «Геодезия, картография және кеңістіктік деректер туралы» және «Қазақстан Республикасының кейбір заңнамалық актілеріне геодезия, картография және кеңістіктік деректер мәселелері бойынша өзгерістер мен толықтырулар енгізу туралы» заң жобаларын талқылады.

Құжаттар Ұлттық кеңістіктік деректер инфрақұрылымын құруды және дамытуды көздейді. Бұл платформа деректерді цифрлы формат түрінде пайдаланудың қолжетімділігі мен тиімділігін қамтамасыз етуге, оларды жетілдіруге және жұмыс бабында сақтауға көмектеседі. Ол үшін деректерді жаңартудың кезеңділігін заңнамалық реттеу қарастырылған.

Заң жобаларының қабылдануы аумақтың қазіргі жағдайына сәйкес келетін, ашық пайдаланудағы деректермен бірыңғай кеңістіктікті қамтамасыз етуге, оларды автоматты түрде алмастыруға ықпал етеді. Сонымен қатар, жер қатынастары, сәулет, құрылыс, табиғат пайдалану және қоршаған ортаны қорғау, геология, тұрғын үй-коммуналдық және ауыл шаруашылығы салаларында халыққа көрсетілетін қызметтердің қолжетімділігі мен сапасын жақсарту туралы сөз болып отыр.

Заң жобаларын талқылау қорытындысы бойынша сенаторлар оны Палатаның қарауына жіберу туралы шешім қабылдады.

Жауап қалдырыңыз

Please enter your comment!
Please enter your name here