Қазақстанда полицейлер жол ережесін бұзған жүргізушілерді дрон арқылы бақылауға көшті. Ұшқышсыз ұшу аппараттары Маңғыстау, Қостанай және Шығыс Қазақстан облыстарында қолданылып жатыр. Жаңашылдықты өзге өңірлерге де енгізу жоспарланған.
Маңғыстау облысының тәртіп сақшылары трассаның бойына шығып, дрон ұшырып жатыр. Аталған құрылғы жылдамдықты асырған, қарсы бетке шыққан, екі жолақты басып өткен және тағы басқа ережені бұзған көліктерді тіркейді. Сосын полицейлер жүргізушілерді тоқтатып, жазаға тартады.
