Әл-Фараби атындағы Қазақ ұлттық университетін бітіргені туралы дипломды салтанатты шарада Заң факультетінің түлегі, спортшы-дзюдошы, Будапешттегі әлем чемпионатының күміс жүлдегері Абиба Абужақыноваға табыс етілді.
Белгілі спортшы ҚазҰУ-да оқуын аяқтап, «Құқық қорғау қызметі» мамандығы бойынша екінші жоғары білім алды.
Абиба Абужақынова – 3-ші данның (IJF) иегері, 48 келіге дейінгі салмақ дәрежесінде өнер көрсетіп, биыл Будапештте өткен әлем чемпионатында күміс медаль жеңіп алды.
Абиба – әлем чемпионатының тұғырына үш рет көтерілген алғашқы қазақстандық дзюдошы. 2023 жылғы дзюдошылардың әлемдік рейтингінің қорытындысы бойынша спортшы әлемнің үздік дзюдошыларының бестігіне кірді.
Бұған дейін Абиба 2021 жылы Бішкекте өткен Азия чемпионатында күміс медаль жеңіп алып, финалда қытайлық спортшы Ли Янаннан жеңіліп қалды. 2022 жылы ол Нұр-Сұлтанда өткен құрлықтық чемпионатта тағы да күміс жүлдегер атанды. Сол жылы Ташкентте өткен әлем чемпионатында қазақстандық спортшы қола медаль жеңіп алып, жетістікке жетті.
2023 жылы Абиба Португалиядағы Гран-при сериясынан турнирдің жеңімпазы атанды. Осылайша беделді турнирді жеңіп алған спортшы Қазақстанның дзюдодан алғашқы өкілі болды. 2024 жылдың көктемінде Біріккен Араб Әмірліктеріндегі Олимпиадаға дейінгі әлем чемпионатында ол тағы да қола медаль жеңіп алып, үшінші орын үшін күресте Түркиядан келген спортшы Туксех Бедерді жеңді.
Білім ордасын табысты тәмамдаған ҚазҰУ түлегін құттықтай отырып, спортшыға өмірде де спортта да жаңа жеңістер тілейміз!
Әл-Фараби атындағы ҚазҰУ-дың баспасөз қызметі
