Президент сайлауының қорытындысы шықты

0
139

Бүгін, 22 қарашада ҚР Орталық сайлау комиссиясы жексенбі күні өткен кезектен тыс президент сайлауының түпкілікті қорытындысын жариялады.

ҚР Орталық сайлау комиссиясының төрағасы Нұрлан Әбдіровтің дерегінше, Қасым-Жомарт Тоқаевқа 6 456 392 сайлаушы немесе олардың 81,31%-ы дауыс берген. «Бәріне қарсымын» бағанын 460 484 сайлаушы (5,8%) белгілеген. Ал, Жигули Дайрабаев 271 641 (3,42%), Қарақат Әбден 206 206 (2,6%), Мейрам Қажыкен 200 907 (2,53%), Нұрлан Әуесбаев 176 116 (2,22%), Салтанат Тұрсынбекова 168 731 (2,12%) сайлаушының дауысын алған.

Жалпы сайлаушылар саны 11 953 465 адамды құрады. Соның ішінде 8 300 046 адам немесе сайлаушылардың 69,44 пайызы сайлауға қатысқан.

Дауыс беру күні президенттікке кандидаттардың 11 мыңнан аса сенім білдірген адамы, шетелдік халықаралық ұйымдардың 641 байқаушысы, саяси партиялардың 15,5 мыңнан аса байқаушысы, қоғамдық бірлестіктерден 30 мыңнан аса байқаушы сайлауды бақылады.

Сайлау учаскелерінде 1 225 қазақстандық БАҚ өкілдері, 23 елдің 41 шетелдік БАҚ-тың аккредиттелген журналистері ақпарат таратты.

Айта кетейік, 20 қарашада елімізде кезектен тыс президент сайлау өтті. Барлық өңірде 10 033 учаске жұмыс істеді. Ал, шет мемлекеттердегі Қазақстан өкілдіктері жанында 68 учаске құрылды.

Жауап қалдырыңыз

Please enter your comment!
Please enter your name here