Қазақстанның кейбір өңірлерінде табиғи газ арзандады

0
453

Ұлттық экономика министрлігінің Табиғи монополияларды реттеу комитеті (ТМРК) еліміздің барлық газдандырылған өңірлері бойынша «ҚазТранГаз Аймақ» АҚ-ның тұтынушылары үшін тауарлық газдың бағасына сараптама жүргізуге бастамашылық жасады. Мәселен, 2021 жылғы қыркүйек айының соңында «ҚазТранГаз Аймақ» АҚ  Тарифтік ведомствосының сұрауы бойынша бағаға сараптама жүргізу үшін қажетті құжаттар ұсынған болатын. Баға сараптамасы аясында ТМРК ұсынылған материалдарға мұқият талдау жүргізді, сондай-ақ «ҚазТранГаз Аймақ» АҚ қосымша ұсынған материалдарды зерттеді. Бұл туралы Табиғи монополияларды реттеу комитетінің Баспасөз қызметі хабарлады.

Осылайша, баға сараптамасын қарау қорытындысы бойынша Табиғи монополияларды реттеу комитеті «ҚазТранГаз Аймақ» АҚ-ның елдің барлық газдандырылған өңірлеріне жабдықтау үстемесін 15%-дан (Шығыс Қазақстан облысы) 50,63%-ға (Атырау облысы) дейін төмендетті.

Айта кетейік, Қазақстанда табиғи газбен жабдықтау саласындағы бағалар мен тарифтерді мемлекеттік реттеу Энергетика министрлігі мен ҚР ҰЭМ ТМРК арасында бөлінген. Табиғи газдың түпкілікті бағасына 70-80% Энергетика министрлігі бекітетін көтерме бағаға тәуелді, ал табиғи газ бағасының қалған бөлігі газды тасымалдау қызметінен және өткізу шығындардан (жабдықтау үстемесі) тұрады. Жабдықтау үстемесінің деңгейін төмендету бөлігінде атқарылған жұмыстың нәтижесінде, ТМРК көптеген өңірлерде тұтынушылар үшін тауарлық газдың түпкілікті шекті бағаларын 0,34%-дан 38,96%-ға дейін төмендетуге қол жеткізді. Мысалы, ең төмен баға Атырау облысында тіркелді. Мұнда төмендеу 38,96%-ды құрады, ал жоғары баға жақында ғана тұтынушылар тауарлық газға қосылған Қарағанды облысында болды. Мұндай газдың арзандау көрсеткіші – 0,34%.

Төмендетілген бағалар 2022 жылғы 1 ақпаннан бастап қолданысқа енеді. Ал, табиғи газ бағасының төмендеуі жекелеген коммуналдық қызметтерге де мультипликативті әсер етеді.

Жауап қалдырыңыз

Please enter your comment!
Please enter your name here