105 жылдық тарихы бар «Forbes» америкалық журналы миллиардерлердің жыл сайынғы рейтингін жариялады. Қаржы мен экономика тақырыбын қаузайтын беделді басылым биыл 37-ші рет байлардың аты-жөнін тізіп шықты. Биылғы рейтингке 2 640 миллиардер енген. Олардың байлығы 12,7 трлн долларға жетеді. Ал, миллиардер саны бойынша әдеттегідей көшті АҚШ бастайды. 735 америкалық миллиардердің жалпы байлығы 4,5 трлн доллардан асады. Екінші орында (Гонконг пен Макаоны қосқанда) 562 миллиардерімен Қытай (2 трлн $), үшінші орында 169 миллиардерімен Үндістан (675 млрд $) тұр. Ғасыр тарихы бар «Qazaq» газеті бүгін рейтингтің алғашқы ондығына тоқталады.
