Қазір сәбиді саудалайтын, не шақалақты түрлі маркетплейстер арқылы сатуға тырысатындар көп. Депутаттар жаңа туған нәрестеге жеке сәйкестендіру нөмірі бекітілсе, осы сияқты қылмыстар азаятынын айтады. Дербес деректер жоғалмас үшін сәбиге алғашқы 20 минут ішінде сәйкестендіру нөмірі беріледі.
«Сәбидің цифрлық құжаты дүниеге келгеніне дейін дайын болып қояды. Біз оны ертерек тіркейміз, сондықтан нәресте туралы ақпарат барлық цифрлық жүйеде пайда болады. Егер сәби жоғалса, тергеу әрекеттері міндетті түрде жүргізіледі», – деді мәжіліс депутаты Екатерина Смышляева.
