Бүгін – Қазақстанда кезектен тыс президент сайлауы. Еліміздің барлық өңірінде және шет мемлекеттердегі өкілдіктерінде дауыс беру жүріп жатыр. Бұл туралы ҚР Орталық сайлау комиссиясының хатшысы Мұхтар Ерман хабарлады.
Мұхтар Ерманның мәліметінше, еліміз бойынша сайлауға барлығы 10 101 учаске іске қосылады, сайлаушылар тізіміне 11 950 485 азамат енгізілді. Қазақстан Республикасының шет мемлекеттердегі өкілдіктері жанынан 53 елде 68 сайлау учаскесі құрылды.
