Алматыда жедел ескертулер 2024 жылдың мамыр айында енгізіледі

0
630

Алматыда 2024 жылдың мамыр айының соңына дейін жаппай жедел хабар алмасуды енгізуді жоспарлап отыр. Оған 475 млн теңге бөлінген. Бұл туралы қала әкімі Ерболат Досаев Үкімет отырысында мәлімдеді.

«Дәстүрлі SMS-тен айырмашылығы – Cell Broadcast технологиясы желіде қосымша жүктеме жасамайды және базалық станция антенналарының қамту аймағында орналасқан барлық абоненттерге жедел және жаппай таратуға, хабарландырудың уақыты мен жиілігіне мүмкіндік береді», – деді Ерболат Асқарбекұлы.

Бұған дейін Цифрлық даму министрі Бағдат Мусин 2022-2023 жылдар аралығында оның ведомствосы Төтенше жағдайлар министрлігімен бірлесіп, хабарлау жүйесін сынақтан өткізгенін хабарлаған болатын.

Алматыда 2024 жылдың 23 қаңтары мен 4 наурызында болған жер сілкіністері кезінде қала тұрғындары мен қонақтарына сейсмикалық оқиға аяқталғаннан кейін SMS хабарлама келді. Хабарлама барлығына дер кезінде жіберілгенімен, оларға жетуге көп уақыт кеткені айтылды.

Жауап қалдырыңыз

Please enter your comment!
Please enter your name here