Қазақстанда жедел жәрдем қызметінің жұмысы өзгереді

0
680

ҚР Денсаулық сақтау министрлігі «Жедел медициналық көмек көрсету, оның ішінде медициналық авиацияны тарта отырып, көмек көрсету қағидаларын бекіту туралы» бұйрыққа өзгеріс енгізді.

Жедел жәрдем бригадасына алғашқы көмек көрсету бойынша кәсіби дайындық курсынан өткен қызметкер қосылды. Ол науқастарға қосымша көмек көрсете алады. 100 мыңнан астам тұрғыны бар моноқалаларда әкімдіктердің шешімі бойынша дербес жедел жәрдем станциялары ұйымдастырылады. Бұл ретте қарқынды терапия дәрігерлер бригадаларының саны бригадалардың жалпы санының кемінде 25 пайызын құрайды.

Айта кетейік, қазір елімізде 1,5 мыңға жуық жедел жәрдем бригадасы жұмыс істейді, оның 18 пайызы – арнайы бригадалар. Сондай-ақ, жедел жәрдем станцияларына медициналық ақпараттық жүйелердегі деректерді қарауға рұқсат беріледі.

Жауап қалдырыңыз

Please enter your comment!
Please enter your name here