Айгүл Орынбек: «Ұлттық кеңес ұлтымызды, тәуелсіздігімді сақтап қалу үшін құрылды»

0
758

Ұлттық сенім кеңесінің мүшесі, заңгер Айгүл Орынбек өзінің Facebook парақшасында Ұлттық кеңес ұлтымызды, тәуелсіздігімді сақтап қалу үшін құрылғанын жазды.

«Халықтың арасында жүрген өз ойы бар белсенділерді жинап, «Ұлт үшін қосар үлесіңді ашық айт, біз естуші мемлекет болып тыңдайық» деп Президентіміз Тоқаев ұлттық кеңесті құрды. «Ұлттық кеңес не пайда әкелді?» деп «Азаттық» журналистері сұрау салыпты. Құрылғанына екі-ақ жыл болған кеңестің пайдасын тізіп жіберейін десем, атқарған жұмысымыз тым көп екен. Әрқайсына жіті тоқталып жазармын. Ең бірінші жоғарыда естімей, көрмей отыратын үкіметпен елдің алдында жүрген белсенділер халықтың үнін, шағымын ашық жеткізе алатын деңгейге жеттік! Жеткізіп қана қоймай, жасалып жатқан кейбір реформалардың, істерінің дұрыс еместігін беттеріне айта алатын болдық! Басқа мүшелер үшін емес, өзім үшін айтайыншы, мен сияқты белсендіге халықтың үнін жеткізіп, ашық айтып отыруға керемет мүмкіндік туды! Ұлттық кеңестің министрлерімен болған бірде-бір жиналысынан қалмағанмын. Себебі, халықтан жиналған шағымды үкіметке жеткізіп, халықтың жағдайы үшін тиімді шешімдер қабылдануы үшін бірге жұмыс істеу арқылы нәтиже болатынын түсіндім! Бүгін Президентіміз Қасым-Жомарт Тоқаев өте жақсы айтты. “Ұлтымызды, тәуелсіздігімді сақтап қалғымыз келсе жалған ұрандауды қояйық” деп. Ұлттық кеңес мүшесі ретінде Президентіміздің осы сөзін қолдаймын және маған қара халықтың мұңын өзіне тікелей жеткізіп отыруға мүмкіндік бергені үшін алғысымды білдіремін!» деп жазды заңгер.

Жауап қалдырыңыз

Please enter your comment!
Please enter your name here