«Отбасы банкі» өзінің Instagram парақшасында «Жас отбасы» тұрғын үй бағдарламасының шарттарымен таныстырды. Оған неке қиғанына әлі 5 жыл болмаған жас отбасылар қатыса алады.
Жылдық 6 пайыздық мөлшерлемемен ипотека рәсімдеу үшін келесі шарттарды орындау керек:
- «Отбасы банкінде» депозит ашып, бір жылда алатын пәтер құнының 50 пайызы көлемінде қаржы жинау;
- осы уақыт аралығында бағалау көрсеткішін 5-ке жеткізу.
Ипотека рәсімдегеннен кейін екі жыл өткенде пайыздық мөлшерлеме 5 пайызға дейін төмендейді.
«Жас отбасы» бағдарламасының бір ерекшелігі – ерлі-зайыптылардың жасы мен отбасындағы бала саны маңызды емес. Сондай-ақ, пәтерді жаңа үйден де, қолданыстағы үйден де таңдай алады. Жер сатып алуға не үй салуға несие рәсімдеуге мүмкіндік бар. Ипотека 6 жылдан 9 жылға дейінгі мерзімге беріледі.
