Алакөлде жаңа сервистік әкімдік ашылды

0
589

Қазақстан Республикасы Тәуелсіздігінің 30 жылдық мерейтойы қарсаңында Алакөл ауданына қарасты Қабанбай ауылдық округінде жаңа форматтағы сервистік әкімдігі ашылды.

Қызмет көрсету орталығы «Jetisy adaldyk_alany» жобасы аясында жүзе асты. Онда ауыл тұрғындарына жер қатынастары және сәулет мәселелерінен бөлек мемлекеттік қызметтің 37 түрі ұсынылмақ.

Кеңсе «бір терезе» қағидасы бойынша жұмыс істейді. Яғни, келушілер қажетті қызмет түрін аудан орталығына бармай, уақыттарын тиімді пайдаланып бір жерден ала алады.

Жобаның басты мақсаты – азаматтардың мемлекеттік қызметкерлерге деген сенімін арттыру болып табылады. Жалпы, мұндай әкімдік облыс деңгейінде 24 болса, аудан бойынша екінші рет ашылып отырған орталық.

Айта кету керек, «Open Ѕрасе» жаңа форматта қызмет көрсететін кеңседе электрондық үкімет порталын да қолдануға болады.

«Ел Тәуелсіздігінің 30 жылдығына орай ашылып отырған сервистік әкімдіктің ауыл жұртшылығына пайдасы мол болмақ. Бұл дегеніміз кез келген анықтаманы, арыз-шағымды және т.б. қызмет түрлерін алуға үлкен мүмкіндік», – дейді Мемлекеттік қызметтер мониторингі және ақпараттық технологиялар бөлімшесінің басшысы Д.Маманов.

Жауап қалдырыңыз

Please enter your comment!
Please enter your name here