20 қазанда Ұлыбританияның 78-ші премьер-министрі Лиз Трасс отставкаға кететінін жариялады. 47 жастағы британ саясаткері басқарған үкімет қыркүйек айының соңында салықты жаппай азайтуды көздейтін бағдарламаны ұсынды. Өкінішке қарай, бұл бастама қаржы нарығындағы дүрбелеңге және фунт стерлингтің құлдырауына әкелді. Содан Лиз Трасс мойнына алған міндеттерді орындай алмайтынын мойындады. Ол премьер қызметінде 44 күн ғана отырды. Осылайша, Лиз Трасс Ұлыбритания тарихында премьер-министр қызметінде ең аз отырған саясаткер ретінде қалады. Ғасыр тарихы бар «Qazaq» газеті бүгін ең аз уақыт үкімет басқарған Ұлыбританияның бес премьер-министріне тоқталады.
