Қостанай облысы өзінің 90 жылдық мерейтойын атап өтуде. Бүгін басталған «Қостанай дала фестивалі» агрофестивалі және оның аясындағы «Қазақстандық Дала күні – Jańa Dala / Green Day ‘2026» халықаралық мамандандырылған көрсетілім-көрмесі, сондай-ақ қазақстандық эстрада жұлдыздарының қатысуымен салтанатты мерекелік гала-концерт ауқымды мерекенің орталық іс-шараларына айналды. Ауқымды мерекенің ұйымдастырушылары – Қостанай облысының әкімдігі және халықаралық көрмелердің, АӨК саласындағы конференциялардың жетекші ұйымдастырушысы, қазақстандық «EXPO TIME» компаниясы.
Агрофестивальдің ресми ашылуы өңірдің басты Дала күні – «Jańa Dala / Green Day ‘2026» көрме алаңында өтті. Салтанатты іс-шара Қостанай облысының әкімі Құмар Ақсақаловтың және ҚР Ауыл шаруашылығы министрі Айдарбек Сапаровтың қатысуымен өтті. Өңір басшысы және еліміздің бас аграрлық ведомствосының басшысы өңір тұрғындары мен көрме қонақтарын айтулы мерекемен құттықтап, ауыл шаруашылығының еңбегі сіңген қызметкерлерін марапаттады, көрменің экспозицияларын аралап, Дала күніне қатысушылармен саланы дамытудың ағымдағы мәселелерін талқылады.
«Қостанай дала фестивалі» агрофестивалі – инновациялық агробизнес пен бай дала мәдениетінің бірегей симбиозы. Фестиваль бағдарламасы екі негізгі блоктан тұрады: «Jańa Dala / Green Day ‘2026» Дала күні көрсетілім-көрмесіндегі инновациялар, онда ауыл шаруашылығы өндірісінің озық технологиялары мен жетістіктері, сондай-ақ музыкалық ұжымдар қойылымдарының, халық ойындарының, этноауыл мен ұлттық тағамдардың фестиваль атмосферасы орнаған Мәдениет пен дәстүрлер мерекесі көрсетіледі. Фестиваль үш күнге – 2026 ж. 30 шілдеден 1 тамызға дейін созылмақ.
Қазақстандық «Jańa Dala / Green Day ‘2026» Дала күні – бұл агробизнес заманауи ауыл шаруашылығы технологиялары мен жоғары өнімді техниканың мүмкіндіктерін, ветеринария, селекция, өсімдіктерді қорғау және органикалық егіншілік саласындағы жетістіктерді көрсететін дәстүрлі алаң. Көрмеге қатысушылар мен қонақтардың қатарында – машина жасау кәсіпорындары, ауыл шаруашылығы техникасы мен жабдықтарын өндірушілер, қазақстандық және шетелдік өнім берушілер, агарарлық ғылымның, асыл тұқымды мал шаруашылығы шаруашылықтарының және қаржыландыру ұйымдарының өкілдері бар. Көрмеге әлемнің 20-дан астам елінен 150-ге жуық компания қатысады.
«Мал шаруашылығы» блогы көрменің аса көп баратын секцияларының біріне айналды. Оған қатысу үшін Қостанай облысының тоғыз агрокәсіпорны 44 асыл тұқымды ауыл шаруашылығы жануарларын әкелді. Оның ішінде 34 бас мал көрсетілім-көрмеде көрсетілетін болады, ал 10 бас малы «Қостанай облысының ең салмағы ауыр бұқасы» конкурсына қатысады.
Дала күні бағдарламасының іскерлік бөлігі ауыл шаруашылығын цифрландыру және ветеринариялық қауіпсіздік мәселелері бойынша сарапшылардың қатысуымен көрсетілімдерді, конференцияларды және пікірталастарды қамтиды. Бұл блоктың ең қызықты іс-шараларының қатарында:
– Қазақстанның солтүстік облыстарының Ветеринарлық мамандарының II республикалық слеті;
– «SKYWORKER» компаниясының ауыл шаруашылығы дрондарының жұмысын көрсету;
– Жол талғамайтын көліктердің сынақ-драйвтары және «Автодом» компаниялар тобының жүлделер ұтыс ойындары;
– «Бір ауыл – бір өнім» көрмесі / Выставка «Одно село-Один продукт» көрмесі, әрбір ауыл өндірген немесе жасаған бірегей өнімді ұсыну;
– ТОПЫРАҚ ӨҢДЕУ демо-көрсетілімі және «Қарабалық ауыл шаруашылығы тәжірибе станциясы» ауыл шаруашылығы дақылдарының селекциялық жетістіктері бар тәжірибелік егіс алаңдары;
– «ҚазАгроҚаржы» АҚ атынан «Есіл» және «CLAAS» комбайндарын табыс ету.
Өлкенің мәдениет және өнер блогы ұлттық ойындар, музыкалық ұжымдар мен әртістердің қойылымдары, гастрономиялық шоулар, ашық аспан астындағы басқа да ауқымды іс-шаралар арқылы мәдени құндылықтарды нығайтуға бағытталған. Бұл блок мыналарды қамтиды:
- Этноауыл. Қостанай облысының 90 жылдығы аясында өңірдің облыс аудандары мен қалаларының көрмесі орын алған киіз үй қалашығы;
- Agro Fashion Week Qostanay – креативті индустрия, сән және ұлттық мәдениет көрсетілімі, дизайнерлердің авторлық коллекциялары;
- «QOSTANAI DALA GAMES» спорт іс-шаралары. Күш жарыстары, ауыл шаруашылығы бағытындағы отбасылық ойындар және ұлттық спорт түрлері.
- Әр түрлі жастағы балаларға арналған интерактивті алаңдар мен ойын-сауық конкурстары (Қолөнер ойындары, «Сәттілік дөңгелегі» сынақтары, Мотоцикл құрастыру, Үлкен жарыстар);
- Көрме,аймақтыңтуристікәлеуетініңтұсаукесері – демалысбазалары,қорықтар,санаторийлер,СПА-кешендер,турбазаларжәне т. б.;
- Ауыл шаруашылығы мамандықтарының білім беру бағдарламаларының тұсаукесері. Мастер-класстар мен кәсіби сынамалар арқылы кәсіптермен іс жүзінде танысу.
Қазақстандық «Kst trade» ЖШС, «Компания Казнефть» ЖШС, «Эталон Регион» ЖШС, «Rud Trans oil» ЖШС, «Асыл-Нура KZ» ЖШС, «Костанайнефтепродукт» ЖШС (Мұнай өнімдері), «Авторесурс Т» ЖШС компанияларының ұтыс ойындары мен конкурстары кең ауқымды ойын-сауық бағдарламасының бір бөлігіне айналды, онда жеңімпаздар фермерлер арасында сұранысқа ие сыйлықтар алды.
«Қостанай дала фестивалі» агрофестивалі «Қазақ тұлпары» ЖШС-нің көрсетілім алқаптарында өтеді (Осиновка к., Қостанай ауданы, Қостанай облысы, Әулие көл тас жолы бойынша Қостанайдан 1 шақырым жерде, «7 миля» мотеліне қарама-қарсы). Қазақстандық эстрада жұлдыздарының қатысуымен қорытынды гала-концерт 1 тамызда сағат 18.00-де Қостанай қаласының орталық алаңында өтеді.
