Өркениетті елдің Парламентінде бір партия ғана үстемдік құрмайды. Көппартиялық жүйе қалыптасқан сол елдердің Парламент қабырғасында кез келген бастама депутаттар арасында қызу талқыға түсіп, пікір алуандығы ескеріліп, «ары тартса – арба да сынбайтындай, бері тартса – өгіз де өлмейтіндей» ортақ бір шешімге келеді. Осылай «жеті рет өлшеніп, бір кесілген» жұмыстың нәтижесінде халықтың мүддесін қорғайтын заң қабылданады. Өйткені, көппартиялық жүйе – демократиялық қоғамның айшықты белгісі. Қазақстан Президентінің партиялық жүйені дамыту туралы мәселе көтеріп жүргені сондықтан.
